મહારાષ્ટ્રમાં વિધાનસભા ચૂંટણીનું કાઉન્ટડાઉન શરી થઈ ગયું છે અને તેની સાથે જ શરૂ થઈ ગયું છે રાજનીતિનું ઘમાસાણ. શિવસેના માટે આ વિધાનસભા ચૂંટણીનું મહત્વ વધારે છે કારણકે પહેલીવાર ઠાકરે પરિવારનો કોઈ ચહેરો ચૂંટણી મેદાનમાં ઉતર્યો છે. પાર્ટી પ્રમુખ ઉદ્ધવ ઠાકરેના પુત્ર અને યુવા સેનાના અધ્યક્ષ આદિત્ય ઠાકરે વિધાનસભા ચૂંટણીમાં વરલી બેઠક પરથી ચૂંટણી લડશે તેવી સત્તાવાર જાહેરાત થઈ ગઈ છે. જેને પગલે મંગળવારે સવારે મુંબઈમાં શિવસેના તરફથી આદિત્યના સમર્થનમાં કેટલાક પોસ્ટર્સ લગાડવામાં આવ્યા. ખાસ વાત એ છે કે આ પોસ્ટર્સ ગુજરાતી, કન્નડ અને ઉર્દું ભાષાઓમાં લખવામાં આવ્યા છે. વરલીમાં લગાડેલા પોસ્ટરમાં ગુજરાતી ભાષામાં ‘કેમ છો વરલી’ના સૂત્ર સાથે આદિત્ય ઠાકરેની તસવીર પણ નજરે પડી રહી છે. ટુંકમાં કહીએ તો આ પોસ્ટર્સને જોતા એવું લાગી રહ્યું છે કે શિવસેનાએ ચૂંટણી મેદાનમાં ઉતરતાની સાથે જ ગુજરાતી રાગ આલાપવાનું શરૂ કર્યું છે.
રોચક VIDEO જોવા માટે TV9Gujartiના YOUTUBE પેજને SUBSCRIBE કરો
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
આ પણ વાંચો: સિંગલ યુઝ પ્લાસ્ટિક પર સંપૂર્ણ પ્રતિબંધ નહીં, જુઓ VIDEO
Published On - 12:08 pm, Wed, 2 October 19