મહારાષ્ટ્ર વિધાનસભા ચૂંટણીને લઈ શિવસેના અને ભાજપ વચ્ચે બેઠકોની વહેંચણી, જાણો કોણ કેટલી બેઠક પર લડશે

મહારાષ્ટ્ર વિધાનસભા ચૂંટણીને લઈને શિવસેના અને ભાજપ વચ્ચે બેઠકોની વહેંચણી થઇ ગઇ છે. સુત્રો અનુસાર બન્ને પાર્ટીઓ વચ્ચે સહમતિ બની ગઇ છે. મહારાષ્ટ્રની કુલ 288 વિધાનસભા બેઠકોમાંથી ભાજપ 144 શિવસેના 126 બેઠક પર ચૂંટણી લડશે. જ્યારે 18 બેઠકો સાથીપક્ષો ચૂંટણીજંગમાં ઝંપલાવશે. સાથે જ શિવસેનાના ઉપમુખ્યમંત્રી પદના પ્રસ્તાવને પણ સ્વીકાર કરી લીધો છે.

આ પણ વાંચોઃ ભાંગડા કિંગ તરીકે જાણીતા અને ‘ઈશ્ક તેરા તડપાવે’ ગીતના ગાયક સુખબીર સિંહ ધૂમ મચાવવા આવી રહ્યા છે

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

મહારાષ્ટ્ર વિધાનસભા ચૂંટણી માટે રાજ્યમાં 21 ઓક્ટોબરે ચૂંટણી યોજાવાની છે. 24 ઓક્ટોબરે પરિણામ આવશે. ભાજપ જ્યાં આ ચૂંટણીમાં ઉત્સાહ સાથે ઉતરશે બીજી તરફ શિવસેના, રાકાંપા અને કોંગ્રેસ સામે ગત ચૂંટણીના મુકાબલે સારૂ પ્રદર્શન કરવાનો પડકાર હશે.

મહત્વપૂર્ણ છે કે 2014ની વિધાનસભા ચૂંટણીમાં રાજ્યના તમામ મુખ્ય દળ, ભાજપ, કોંગ્રેસ, રાકાંપા અને શિવસેનાએ 288 બેઠકો માટે અલગ-અલગ ચૂંટણી લડી હતી. ગત વખતની ચૂંટણીમાં ભાજપે 122 બેઠક પર જીત મેળવી હતી, તેણે 27.81 ટકા જ્યારે કોંગ્રેસને 17.95 ટકા મત મળ્યા હતા.