ગાંધીનગરમાં કૃષિ બિલના વિરોધમાં કોગ્રેસની વિરોધ રેલી, મોદી સરકાર વિરૂદ્ધ કર્યા વિવિધ સૂત્રોચ્ચાર

દેશભરમાં કેન્દ્ર સરકારના કૃષિ બિલનો વિરોધ થઇ રહ્યો છે. ત્યારે ગાંધીનગરમાં કૃષિ બિલના વિરોધમાં કોંગ્રેસે દેખાવો કર્યા છે. મોટી સંખ્યામાં કોંગીજનોએ વિધાનસભા તરફ કૂચ રેલી યોજી હતી. જેથી પોલીસે કેટલાક કોંગી કાર્યકરોની અટક કરી હતી. સાથે જ પોલીસે કોંગ્રેસી કાર્યકરોને અટકાવ્યા હતા. કોંગ્રેસના કાર્યકરોએ કૃષિ બિલના વિરોધમાં સરકાર વિરૂદ્ધ “ચોકીદાર ચોર છે”, “ખેડૂત વિરોધી યે સરકાર નહી ચલેગી નહી ચલેગી” સહિતના નારા લગાવ્યા હતા. કોંગ્રેસનો આક્ષેપ છેકે કૃષિબિલને કારણે કરોડો ખેડૂતો પાયમાલ થશે. આ સાથે કોંગ્રેસના આગેવાનાનો આક્ષેપ છેકે સરકાર મોટા ઉદ્યોગપતિઓને છાવરે છે. જયારે ગરીબ ખેડૂતો અને વેપારીઓને પરેશાન કરે છે. કોંગ્રેસ નેતા અમિત ચાવડાએ કહ્યું છે કે દેશમાં નવા અંગ્રેજો આવ્યા છે. કોંગ્રેસ ખેડૂતોની સાથે છે. અમે ખેડૂતો માટે લડતા રહીશું. અને, આ રીતે જ તમામ તાલુકામથકે વિરોધ કરવામાં આવશે.