JNU પ્રદર્શન: 9 કલાક સુધી વિદ્યાર્થીઓનો ઉગ્ર વિરોધ, 6 કલાક બાદ બહાર નીકળી શક્યા HRD મંત્રી!

દિલ્હીની જેએનયુ યુનિવર્સિટી ફરીથી આખા દેશમાં ચર્ચામાં છે. ટ્વીટરમાં જેએનયુને લઈને હેશટેગ ટ્રેન્ડ થઈ રહ્યાં છે. જેએનયુ ખાતે વિદ્યાર્થીઓ ભારે પ્રદર્શન કરી રહ્યાં છે. વિદ્યાર્થીઓને હટાવવા માટે વોટરગનથી પ્રહાર કરવામાં આવ્યા હતા. આ સિવાય વિદ્યાર્થીઓની અટકાયત પણ કરવામાં આવી છે. વિરોધ પ્રદર્શન વચ્ચે ઘણાં વિદ્યાર્થીઓ ઘાયલ થયા હોવાનું પણ સામે આવ્યું છે.  હોસ્ટેલ ફી, લાઈબ્રેરી જેવા મુદ્દાઓને લઈને વિદ્યાર્થીઓ સતત 15 દિવસથી પ્રદર્શન કરી રહ્યાં છે.

આ પણ વાંચો :  મહારાષ્ટ્રમાં સત્તાનું મંથનઃ સરકાર બનાવવાનો દાવો રજૂ કરવા શિવસેના બાદ NCPને આમંત્રણ

વિદ્યાર્થીઓની માગણી છે કે જે ફી વિદ્યાર્થીઓને પૂછ્યા વગર વધારી દેવાઈ છે તેને રદ કરવામાં આવે. ઉલ્લેખનીય છે કે જેએનયુમાં લાઈબ્રેરીમાં રિડીંગ, હોસ્ટેલ ફી અને હોસ્ટેલના આવવા જવાના સમયમાં બદલાવ કરવામાં આવ્યો છે. જેના લીધે વિદ્યાર્થીઓ મોટી સંખ્યામાં વિરોધ કરી રહ્યાં છે.

વિદ્યાર્થીઓએ ભારતીય ટેક્નોલોજી શિક્ષા પરિષદના ભવનની બહાર વિરોધ કર્યો હતો. જ્યાં ત્રીજો દિક્ષાંત સમારોહમાં હાજરી આપવા માટે ઉપરાષ્ટ્રપતિ વેંકૈયા નાયડુ હાજર હતા. સાથે જ માનવ સંસાધન વિકાસ મંત્રી રમેશ પોખરિયાલે પણ ત્યાં હાજરી આપી હતી. આ વિરોધના લીધે તેઓને 6 કલાક સુધી ઓડોટોરિયમની અંદર રહેવું પડ્યું હતું.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

વિદ્યાર્થીઓએ કહ્યું કે જો શિક્ષણ જ સસ્તુ ના રહે તો દિક્ષાંત સમારોહ યોજવાની શું જરુર છે. ઉલ્લેખનીય છે કે ભારતમાંથી ગરીબ બાળકો જેએનયુ ખાતે અભ્યાસ માટે આવે છે અને ભારે ફી વધારાના લીધે વિદ્યાર્થીઓના શિક્ષણ પર અસર પડી શકે તેને લઈને આ પ્રદર્શન યોજવામાં આવી રહ્યું છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=vanity goto_txt=” Watch more interesting videos on TV9 Gujarati YouTube channel”]