BUDGET 2019 : સંરક્ષણ ક્ષેત્રે પહેલી વાર 3 લાખ કરોડ રૂપિયાની ફાળવણી, ગત વર્ષની સરખામણીએ 5 હજાર કરોડનો વધારો

પાકિસ્તાન અને ચીન સાથે તણાવપૂર્ણ પરિસ્થિતિઓ વચ્ચે મોદી સરકારે સંરક્ષણ ક્ષેત્ર પર ફોકસ કર્યું છે.

નાણા પ્રધાન પીયૂષ ગોયલે બજેટ પ્રવચનમાં જાહેરાત કરી કે સરકારે સંરક્ષણ ક્ષેત્ર માટે 3 લાખ કરોડ રૂપિયાનું બજેટ ફાળવ્યું છે. આવું પહેલી વાર થયું છે કે જ્યારે ડિફેંસ સેક્ટર માટે 3 લાખ રૂપિયા ફાળવવામાં આવ્યા છે. જોકે 2018ની સરખામણીમાં આ સામાન્ય વધારો છે.

ગોયલે કહ્યું કે આપણા સૈનિકોના હિતોને ધ્યાનમાં રાખતા વન રૅંક વન પેંશન (OROP) હેઠળ સરકારે નિવૃત્ત સૈનિકોને 35 હજાર કરોડ રૂપિયા આપ્યા છે. સૈનિકોની આ માંગ 40 વર્ષથી પડતર હતી.

નોંધનીય છે કે ગત બજેટમાં સંરક્ષણ ક્ષેત્ર માટે 2,95,511 કરોડ રૂપિયા ફાળવાયા હતા, તેના કરતા આ વખતે સંરક્ષણ બજેટમાં 5000 કરોડ રૂપિયાનો વધારો કરાયો છે.

જોકે પાડોશી દેશ ચીન સાથે સરખામણી કરવામાં આવે, તો ભારતનું સંરક્ષણ બજેટ ચીન કરતા ત્રણ ગણુ ઓછું છે. સંસદીય સમિતિએ સંરક્ષણ બજેટ જીડીપીના હાલના 1.56 ટકાથી વધારી 3 ટકા કરવાની ભલામણ કરી હતી.

 [yop_poll id=”962″]

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]