બિનસચિવાલય પરીક્ષાને રદ કરવાની માગણી સાથે વિરોધ પ્રદર્શનમાં હાર્દિક પટેલને ધક્કે ચડાવ્યો!

ગાંધીનગરમાં હાર્દિક પટેલને જવું મોંઘુ પડ્યું છે. હાર્દિક પટેલને યુવાનોએ ધક્કે ચડાવ્યો હતો. યુવાનોના આંદોલનમાં આજ સવારથી નેતાઓનું આગમન થઈ રહ્યું છે. છેલ્લા અનેક દિવસથી યુવાનો બિનસચિવાલયની પરીક્ષાનો વિરોધ કરી રહ્યા છે. ગઈકાલે પણ યુવાનો ગાંધીનગરમાં એકઠા થવાના હતા. પરંતુ પોલીસે બળપ્રયોગ કરીને તેમને વિખેરી દીધા હતા. સાથે લાઠીચાર્જ પણ કર્યો હતો.

આ પણ વાંચોઃ બિનસચિવાલય પરીક્ષા વિવાદ: પરીક્ષાર્થીઓની સાથે વાલીઓ પણ હવે વિરોધમાં જોડાયા

જે બાદ હજુ પણ યુવાનો પોતાની માગણી સાથે આંદોલન પર બેઠા છે. ત્યારે આજ સવારથી શંકરસિંહ વાઘેલા, અમિત ચાવડા, હાર્દિક પટેલ સહિતના નેતાઓ પહોંચ્યા હતા. જો કે, આ આંદોલન કોઈ પાર્ટીનું નથી. યુવાનો પોતાની માગણી સાથે આપમેળે એકઠા થયા છે. ત્યારે નેતાઓની હાજરીથી કેટલાક યુવાનોએ નારાજગી જાહેર કરી હતી. તો હાર્દિક પટેલને પણ કેટલાક યુવાનોએ ધક્કે ચડાવ્યો હતો. જેના જવાબમાં હાર્દિકે કહ્યું કે, આ સમગ્ર હરકત ABVPના કાર્યકરો દ્વારા કરવામાં આવી રહી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો