Yoga For breast: શું સ્તનપાન કરાવ્યા પછી બ્રેસ્ટ બેડોળ થઈ ગયા છે? યોગ કરીને સુંદર અને સુડોળ બનાવી શકો છો
Yoga For breast: કેટલીકવાર ઉંમર, ગર્ભાવસ્થા, સ્તનપાન, વજનમાં વધઘટ અથવા હોર્મોનલ ફેરફારોને કારણે બ્રેસ્ટ ઢીલા પડી શકે છે. ચાલો જાણીએ આવી કસરતો વિશે જે સ્તનોને ફરીથી મુળ સ્થિતિમાં લાવી શકે છે.
આ માટે પુશ-અપ્સ કરી શકાય છે. જે છાતી, ખભા અને હાથના સ્નાયુઓને મજબૂત કરવાનો સૌથી અસરકારક માર્ગ છે. આ કસરત સ્તનને ટેકો આપતા પેક્ટોરલ સ્નાયુઓને ટોન કરે છે, જે ઢીલાપણું ઘટાડે છે. તે જ સમયે વોલ પ્રેસ કસરત એવા લોકો માટે વધુ સારી છે જેઓ સરળતાથી પુશ-અપ્સ કરી શકતા નથી. આ કસરત છાતી અને હાથને મજબૂત બનાવે છે.
ડમ્બેલ ચેસ્ટ પ્રેસ એક્સરસાઇઝની મદદથી તમે છાતીના સ્નાયુઓને પણ ટોન કરી શકો છો. યોગમાં ભુજંગાસન છાતીનો વિકાસ અને સ્નાયુઓને મજબૂત બનાવવા માટે જાણીતું છે. આ કરવાથી સમસ્યાનો ઉકેલ પણ આવી શકે છે.
તેમજ ગોમુખાસન છાતી અને ખભા મજબૂત મદદ કરે છે, જે સ્તનોની ઢીલાપણું ઘટાડે છે.
બ્રેસ્ટના વિકાસ થાય અને મુળ સ્થિતિમાં પાછા આવી શકે એ માટે તમે ઉષ્ટ્રાસનની પણ મદદ લઈ શકો છો. જે બ્રેસ્ટના સ્નાયુઓને કસરત આપે છે અને વિકાસ કરવામાં મદદ કરે છે. તેમજ ઢીલાશપણું અટકાવે છે. તેની સાથે કમર અને હાથના સ્નાયુઓ પણ મજબૂત બને છે. બ્રેસ્ટના વિકાસ અને ટોનિંગ માટે એસ્ટ્રોજન હોર્મોન ખૂબ જ મહત્વપૂર્ણ છે. આવી સ્થિતિમાં પપૈયા, સફરજન અને અળસીના બીજ વગેરેનું સેવન કરવું જોઈએ. આ ઉપરાંત બદામ, ઓલિવ અથવા નારિયેળ તેલથી નિયમિત માલિશ કરવાથી રક્ત પ્રવાહ સુધરે છે. આ ઉપરાંત સપોર્ટિવ બ્રા પહેરવાથી સ્તનને ટેકો મળે છે અને ઢીલાપણું ઓછું થાય છે. (Disclaimer: અહીં આપવામાં આવેલી માહિતી ફક્ત જાણકારી માટે જ છે. યોગ કરવા માટે પહેલા શરીર ફ્લેક્સિબલ હોવું જરુરી છે તેમજ કોઈ નિષ્ણાંતની સલાહ લઈને યોગ કરી શકાય.)
Published On - 10:17 am, Tue, 10 June 25
