WhatsApp પર તમને પણ આવી રહ્યો છે +92 Code નંબરથી કોલ્સ, તો તે પાકિસ્તાનથી નહીં આ કારણે પણ આવી શકે છે

વોટ્સએપ પર આવતા આ કોલ્સ દ્વારા યુઝર્સને લોટરી અથવા ઈનામ જીતવાની પણ લાલચ આપવામાં આવે છે. આ કારણે ઘણા યુઝર્સ આ લાલચમાં આવી પોતાની પર્સનલ ડિટેલ્સ અને બીજી જાણકારી શેર કરી દે છે. જેના કારણે તેમને ઘણું નુકસાન થાય છે.

WhatsAppImage Credit source: File Photo

TV9 Gujarati | Edited By: Pankaj Tamboliya | Updated on: Aug 02, 2022 | 12:31 PM

: વોટ્સએપ (WhatsApp)દ્વારા યુઝર્સને ટારગેટ કરવામાં આવી રહ્યા છે. વોટ્સએપની લોકપ્રિયતાનો ફાયદો સ્કેમર્સ પણ ઉઠાવાની ફીરાકમાં રહે છે. થોડા સમયથી વોટ્સએપ પર એક નવો સ્કેમ ચાલી રહ્યો છે. ઘણા લોકોને +92 કોડવાલા મોબાઈલ નંબરથી વોટ્સએપ પર કોલ્સ આવી રહ્યા છે.

: વોટ્સએપ પર આવતા આ કોલ્સ દ્વારા યુઝર્સને લોટરી અથવા ઈનામ જીતવાની પણ લાલચ આપવામાં આવે છે. આ કારણે ઘણા યુઝર્સ આ લાલચમાં આવી પોતાની પર્સનલ ડિટેલ્સ અને બીજી જાણકારી શેર કરી દે છે. જેના કારણે તેમને ઘણું નુકસાન થાય છે.

: આગળ વધતા પહેલા જણાવી દઈએ કે +92 પાકિસ્તાનનો કંટ્રી કોડ છે. ભારતનો કંટ્રી કોડ +91 છે એવામાં માનવામાં આવી રહ્યું છે. કે આ કોલ્સ પાકિસ્તાનથી આવી રહ્યા છે. પરંતુ ઘણી વખત વર્ચ્ચુઅલી પણ આવા નંબર ઉપલબ્ધ કરાવામાં આવે છે જેને તમે દુનિયાના કોઈ પણ ખુણેથી એક્સેસ કરી શકો છો. આ કારણે જરૂરી નથી કે બધા કોલ્સ પાકિસ્તાનથી જ આવી રહ્યા છે.

: જ્યારે તમને 92 દેશના કોડ નંબર પરથી કોલ આવે ત્યારે આ કામ કરો: જો તમને +92 કંટ્રીના કોડ નંબર પરથી પણ WhatsApp પર કોલ આવી રહ્યા છે, તો તમારે કેટલીક બાબતો ધ્યાનમાં રાખવી પડશે. જો તમને +92 કોડવાળા નંબર પરથી કૉલ આવી રહ્યો છે અને તમે તે નંબર જાણતા નથી, તો આવા કૉલને અવગણો.

: આ સિવાય તે નંબર પર જવાબ આપીને વધુ માહિતી મેળવવાનો પ્રયાસ ન કરો. કેટલીકવાર સ્કેમર્સ તેમની ડીપી ખૂબ સારી દેખાડી શકે છે. જેના કારણે ઘણા યુઝર્સ તેમની યુક્તિમાં ફસાઈ જાય છે. આવી સ્થિતિમાં, 92 દેશના કોડ નંબર પરથી આવતા અજાણ્યા કોલનો જવાબ ન આપવાનો પ્રયાસ કરો.

: જો તમને વારંવાર કોલ આવી રહ્યા હોય તો તમે સીધા જ આવા નંબરને બ્લોક કરી શકો છો. આવી સ્થિતિમાં, તમને ફરીથી તે નંબર પરથી કોલ અથવા મેસેજ નહીં આવે. તમે આવા નંબરની જાણ પણ કરી શકો છો. આ માટે કંપની ફીચર્સ આપે છે. જો તમે સાયબર છેતરપિંડીનો શિકાર બન્યા છો, તો વિલંબ કર્યા વિના સાયબર સેલમાં તમારી ફરિયાદ નોંધાવો.