IPL 2026: ઓરેન્જ-પર્પલ કેપની રેસમાં આવ્યો નવો વળાંક, પ્રિન્સ યાદવે મારી મોટી છલાંગ!
IPL 2026ની 50મી મેચ તારીખ 7મી મે 2026ના રોજ લખનૌ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચે એકાના ક્રિકેટ સ્ટેડિયમ ખાતે રમાઈ હતી. આ મેચ પછી ઓરેન્જ કેપ અને પર્પલ કેપની રેસ ખૂબ જ રોમાંચક બની ગઈ છે.
વિરાટ કોહલી આ મેચમાં કંઈ ખાસ કરી શક્યો નહીં. જે તેના માટે મોટો ઝટકો સાબિત થયો છે. પર્પલ કેપની રેસમાં આગળ ચાલી રહેલા ભુવનેશ્વર કુમાર પણ વિકેટ લેવામાં નિષ્ફળ રહ્યો.
હેનરિક ક્લાસેન 11 મેચમાં 494 રન સાથે ઓરેન્જ કેપની રેસમાં આગળ છે. અભિષેક શર્મા 475 રન સાથે બીજા સ્થાને છે. કેએલ રાહુલ પણ 445 રન સાથે ત્રીજા સ્થાને છે. દરમિયાન વિરાટ કોહલી પાસે આ મેચમાં મોટી ઇનિંગ્સ રમીને ટોચ તરફ આગળ વધવાની સારી તક હતી.
બીજી તરફ મિશેલ માર્શ ઓરેન્જ કેપની રેસમાં પોતાનો દાવો પહેલેથી જ કરી ચૂક્યો છે. તેણે આ મેચમાં 56 બોલનો સામનો કરીને કુલ 111 રન બનાવ્યા. આ સાથે 10 મેચમાં તેના કુલ રન 367 થયા છે.
પ્રિન્સ યાદવે પર્પલ કેપની રેસમાં નોંધપાત્ર છલાંગ લગાવી છે. તેણે આ મેચમાં કુલ 3 વિકેટ લીધી છે. જેમાં વિરાટ કોહલીની વિકેટનો પણ સમાવેશ થાય છે.
પ્રિન્સ યાદવ IPLમાં વિરાટને 0 પર ક્લીન બોલ્ડ કરનાર માત્ર બીજો બોલર બન્યો છે. આ સાથે IPL 2026માં તેની કુલ 16 વિકેટ થઈ ગઈ છે.
ભુવનેશ્વર કુમારની મેચ નિરાશાજનક રહી. તેણે પોતાની ચાર ઓવરમાં 34 રન આપ્યા અને કોઈ વિકેટ લીધી નહીં.
ભુવનેશ્વર કુમાર હાલમાં આ સિઝનમાં સૌથી વધુ વિકેટ લેનાર બોલર છે. 10 મેચમાં 17 વિકેટ સાથે તેની પાસે પોતાની લીડ મજબૂત કરવાની તક હતી. જોકે તેણે એક મહત્વપૂર્ણ તક ગુમાવી દીધી છે. દરમિયાન અંશુલ કંભલ 10 મેચમાં 17 વિકેટ સાથે બીજા સ્થાને છે અને પ્રિન્સ યાદવ 16 વિકેટ સાથે ત્રીજા સ્થાને પહોંચ્યો છે.
