Travel Tips : તમે હોટેલ કે રૂમ ઓનલાઈન બુક કરાવો છો? તો હવે આ વાતનું ખાસ ધ્યાન રાખો
Travel Tips : પરિવાર કે મિત્રો સાથે ટ્રિપ પર જતાં પહેલા મોટાભાગના લોકો હોટલ કે રૂમ ઓનલાઈન બુક કરાવે છે. પરંતુ સમસ્યાઓથી બચવા અને ટ્રિપનો આનંદ માણવા માટે તમારે હોટેલ અથવા રૂમ બુક કરતી વખતે આ બાબતોનું ખાસ ધ્યાન રાખવું જોઈએ.
જગ્યા જુઓ : હોટેલનું સ્થાન પણ ખૂબ મહત્વનું છે. તેથી ધ્યાનમાં રાખો કે હોટેલ પર્યટન સ્થળોથી ખૂબ દૂર ન હોવી જોઈએ. તેના બદલે એવા સ્થાનો પર હોટેલ્સ શોધો જે ખાસ પર્યટન સ્થળોની નજીક હોય. આ સિવાય એ જાણવું પણ જરૂરી છે કે સાર્વજનિક પરિવહન, જેમ કે બસ સ્ટોપ અથવા મેટ્રો સ્ટેશન હોટેલથી કેટલું દૂર છે. તેનાથી તમારો સમય અને પૈસા બંનેની બચત થશે.
સર્વિસ વિશે જાણો : હોટેલમાં ઉપલબ્ધ સેવાઓ વિશે જાણો. કેટલીક હોટલમાં મફત નાસ્તો, પૂલ, ફિટનેસ સેન્ટર, સ્પા અને શટલ સેવા જેવી સુવિધાઓનો સમાવેશ થાય છે, જ્યારે અન્ય આ તમામ સુવિધાઓ માટે વધારાનો ચાર્જ વસૂલ કરે છે. તેથી આ બધી બાબતો વિશે અગાઉથી માહિતી મેળવો. આ સાથે તમારી સુરક્ષાને ધ્યાનમાં રાખીને હોટેલનું સ્થાન અને રૂમ પસંદ કરો.
સરખામણી કરો : જો તમને તમારી પસંદગી મુજબ હોટલ કે રૂમ મળે તો તરત જ બુકિંગ કરાવતા પહેલા તેની અન્ય હોટલ સાથે સરખામણી કરો. બંને હોટલના સ્થાન અને સુવિધાઓની સારી રીતે તુલના કરો અને તમારી અનુકૂળતા મુજબ હોટેલ બુક કરો.
