Gold: ભારતના કયા રાજ્યમાં 222.8 મિલિયન ટન સોનું છે? ગુજરાત, દિલ્હી કે પછી…?
ભારતમાં સોનાને માત્ર સંપત્તિ જ નહીં પણ વારસાનો એક ખાસ ભાગ માનવામાં આવે છે. જણાવી દઈએ કે, દેશભરના વિવિધ રાજ્યોમાં સોનાનો ભંડાર છે. એવામાં પ્રથમ સ્થાને કયું રાજ્ય છે અને ગુજરાતનો સમાવેશ થયો છે કે નહીં?
ઉત્તર પ્રદેશ પાંચમા સ્થાને છે. આ રાજ્યમાં આશરે 13 મિલિયન ટન સોનાનો ભંડાર છે. અહીં સોનભદ્ર જિલ્લો મુખ્ય કેન્દ્ર છે. ત્યારબાદ આંધ્ર પ્રદેશ ચોથા સ્થાને છે, જેમાં અંદાજિત 15 મિલિયન ટન સોનાનો ભંડાર છે. રાયલસીમા ક્ષેત્રમાં આવેલ 'રામગિરી ગોલ્ડ ફિલ્ડ્સ' એક હાઇલાઇટ છે. આ ખાણ રાજ્યના સોનાના ભંડારને સમૃદ્ધ બનાવે છે અને ખાણકામની તકો પ્રદાન કરે છે.
કર્ણાટક 103 મિલિયન ટન સોનાના ભંડાર સાથે ત્રીજા સ્થાને છે. કર્ણાટક ભારતનું સૌથી મોટું સોનાનું ઉત્પાદક રાજ્ય છે. કોલાર, ધારવાડ, હસન અને રાયચુર જેવા જિલ્લાઓમાં નોંધપાત્ર સોનાનો ભંડાર છે.
નોંધનીય છે કે, આ યાદીમાં રાજસ્થાન બીજા ક્રમે આવે છે, જ્યાં આશરે 125.9 મિલિયન ટન સોનાનો ભંડાર છે, જે મુખ્યત્વે બાંસવાડા જિલ્લાના ભુકિયા-જગપુરા ગોલ્ડ બેલ્ટમાં કેન્દ્રિત છે.
આશ્ચર્યજનક વાત એ છે કે, બિહાર પ્રથમ ક્રમે છે. બિહારમાં ભારતમાં સૌથી વધુ સોનાનો ભંડાર છે. જમુઈ જિલ્લામાં કુલ સોનાના અયસ્કના સંસાધનોનો આશરે 44 ટકા હિસ્સો છે, જે આશરે 222.8 મિલિયન ટન છે. આ આંકડા દર્શાવે છે કે, બિહાર ભવિષ્યમાં સોનાનું મુખ્ય કેન્દ્ર બની શકે છે અને અહીં ખાણકામ શરૂ થવાથી આર્થિક વિકાસને વેગ મળશે.
એકંદરે જોઈએ તો, ભારતમાં 120 મિલિયન ટનથી વધુ સોનાનો ભંડાર છે, જે 759 ટન પ્રાથમિક સોનાનું પ્રતિનિધિત્વ કરે છે.
Published On - 7:10 pm, Sat, 25 October 25
