Tata Group Share: 500 રૂપિયાથી વધારે વધશે ટાટાનો આ શેર, કંપનીના નફામાં મોટો ઉછાળો
સપ્ટેમ્બર ક્વાર્ટરમાં ટાટાની આ કંપનીનો ચોખ્ખો નફો લગભગ આઠ ટકા વધીને 1,093.08 કરોડ રૂપિયા થયો છે. ગયા નાણાકીય વર્ષના સમાન ત્રિમાસિક ગાળામાં કંપનીએ 1,017.41 કરોડ રૂપિયાનો નફો કર્યો હતો. ટાટા ગ્રુપની આ કંપનીએ તેના સપ્ટેમ્બર ક્વાર્ટરના પરિણામો જાહેર કર્યા છે. આ સતત 20મું ક્વાર્ટર છે જ્યારે કંપની નફાકારક રહી છે.
પ્રવીર સિન્હાના જણાવ્યા અનુસાર, ક્વાર્ટર દરમિયાન તમિલનાડુમાં 2 GW ક્ષમતાના સેલ પ્રોડક્શન યુનિટના કમિશનિંગ સાથે 4.3 GW સેલ અને મોડ્યુલ ઉત્પાદન ક્ષમતા બનાવવાનું કામ ઝડપથી આગળ વધી રહ્યું છે. સેલ મેન્યુફેક્ચરિંગ પ્લાન્ટ આવતા મહિના સુધીમાં સંપૂર્ણ ક્ષમતા પ્રાપ્ત કરી લેશે.
તેમણે કહ્યું કે 4.3 GW ક્ષમતાનો સોલર મોડ્યુલ પ્લાન્ટ પહેલેથી જ સંપૂર્ણ રીતે કાર્યરત છે. આ સાથે ટાટા પાવર સોલર મેન્યુફેક્ચરિંગ ક્ષેત્રે અગ્રેસર બની ગયું છે.
સિંહાએ કહ્યું- અમે ચાલુ નાણાકીય વર્ષ માટે અમારી મૂડી ખર્ચ યોજના સાથે આગળ વધી રહ્યા છીએ. કુલ રૂ. 20,000 કરોડમાંથી રૂ. 9,100 કરોડ પ્રથમ અર્ધવાર્ષિક (એપ્રિલ-સપ્ટેમ્બર) દરમિયાન ખર્ચવામાં આવ્યા છે.
તમને જણાવી દઈએ કે ટાટા પાવરની કુલ ક્ષમતા 15.2 ગીગાવોટ (એક ગીગાવોટ બરાબર 1,000 મેગાવોટ) છે. કંપની ટ્રાન્સમિશન, ડિસ્ટ્રિબ્યુશન, ટ્રેડિંગ, સ્ટોરેજ સોલ્યુશન્સ સહિત નવીનીકરણીય અને પરંપરાગત ઉર્જા સાથે સોલર સેલ અને મોડ્યુલ ઉત્પાદનમાં સંકળાયેલી છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
