Penny Stock: 7 રૂપિયાથી વધીને 70 રૂપિયા પર પહોંચ્યો આ પેની સ્ટોક, ખરીદવા માટે ભારે ધસારો
મલ્ટિબેગર પેની સ્ટોકને તેના રોકાણકારોને મજબૂત વળતર આપ્યું છે. સોમવારે ટ્રેડિંગ દરમિયાન કંપનીનો શેર 5 ટકા વધીને 70.90 રૂપિયાની ઇન્ટ્રા-ડે હાઇએ પહોંચ્યો હતો. ઑક્ટોબર 2020માં લગભગ 7 રૂપિયા પર હતો, હાલમાં સ્ટોક વધીને 70.90 રૂપિયા થયો છે.
પેરામાઉન્ટ કોમ્યુનિકેશન્સનો ચોખ્ખો નફો સપ્ટેમ્બર ક્વાર્ટર (Q2FY25)માં 4.31 ટકા વધીને ₹20.33 કરોડ થયો હતો, જે Q2FY24માં ₹19.49 કરોડ હતો. સપ્ટેમ્બર 2024 ના રોજ પૂરા થયેલા ક્વાર્ટરમાં કંપનીનું વેચાણ 40.98 ટકા વધીને ₹355.89 કરોડ થયું છે, જે ગયા વર્ષના સમાન ક્વાર્ટરમાં ₹252.44 કરોડ હતું.
તમને જણાવી દઈએ કે 1978માં શ્યામ સુંદર અગ્રવાલ દ્વારા સ્થાપિત પેરામાઉન્ટ કોમ્યુનિકેશન્સ વાયર અને કેબલ વાયર ઉત્પાદક છે. તે પાવર, ટેલિકોમ્યુનિકેશન, રેલવે વગેરે માટે વિવિધ પ્રકારના કેબલનું ઉત્પાદન કરે છે.
પેરામાઉન્ટ ઓસ્ટ્રેલિયા, બાંગ્લાદેશ, ચિલી, ઘાના, લિબિયા, મ્યાનમાર, નાઇજીરીયા, તાંઝાનિયા, UAE, UK, US અને ઝામ્બિયા જેવા બજારોમાં વૈશ્વિક સ્તરે તેના ઉત્પાદનોની નિકાસ કરે છે. કંપની ખુશખેડા, રાજસ્થાન અને ધરુહેરા, હરિયાણામાં ઉત્પાદન સુવિધાઓનું સંચાલન કરે છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
