Drop Price: TATAના આ મલ્ટિબેગર સ્ટોકની હાલત બગડી, 1 મહિનામાં 25% તૂટ્યો આ શેર
ટાટા ગ્રૂપના શેરોમાંનો એક છે આ કંપનીનો શેર. જેણે છેલ્લા એક વર્ષમાં ઉત્તમ વળતર આપ્યું છે. છેલ્લા એક વર્ષમાં કંપનીના શેરના ભાવમાં 100 ટકાથી વધુનો વધારો જોવા મળ્યો છે. પરંતુ છેલ્લા એક મહિનો આ સ્ટૉક માટે સારો રહ્યો નથી. વર્ષ 2024માં કંપનીના શેરમાં 109 ટકાનો વધારો જોવા મળ્યો છે.
છેલ્લા એક મહિના દરમિયાન શેરબજારમાં ટાટા ગ્રૂપની કંપનીના શેરની હાલત સારી નથી. આ સમયગાળા દરમિયાન શેરના ભાવમાં 25 ટકાનો ઘટાડો જોવા મળ્યો છે.
08 નવેમ્બરના રોજ કંપનીનો શેર 3.5 ટકાના ઘટાડા બાદ બીએસઈમાં રૂ. 6270ના સ્તરે આવી ગયો હતો. માત્ર 2 દિવસમાં કંપનીના શેરમાં 10 ટકાનો ઘટાડો થયો છે. તમને જણાવી દઈએ કે, આ કંપનીએ પોતાના ત્રિમાસિક પરિણામો જાહેર કર્યા છે.
શુક્રવારે, ટ્રેન્ટ લિમિટેડના શેર ફરીથી 9 ઓગસ્ટ, 2024 પછીના સૌથી નીચલા સ્તરે આવી ગયા. આ સમયગાળા દરમિયાન ટ્રેન્ટ લિમિટેડના શેરમાં 12 ટકાનો ઘટાડો થયો છે.
જ્યારે આ સમયગાળા દરમિયાન સેન્સેક્સ 1 ટકા વધવામાં સફળ રહ્યો છે. તમને જણાવી દઈએ કે, 14 ઓક્ટોબરે આ શેરની કિંમત 8345.85 રૂપિયાના રેકોર્ડ હાઈ પર પહોંચી ગઈ હતી. ત્યારથી, કંપનીના શેરના ભાવમાં 25 ટકાનો ઘટાડો જોવા મળ્યો છે.
ટાટા ટ્રેન્ટ લિમિટેડના ચોખ્ખા નફામાં 44.30 ટકાનો વધારો થયો છે. જુલાઈથી સપ્ટેમ્બર દરમિયાન કંપનીનો ચોખ્ખો નફો રૂ. 338.75 કરોડ હતો. બીજા ક્વાર્ટરમાં કંપનીની ઓપરેશનલ આવક 39.40 ટકાના વધારા સાથે રૂ. 4156.67 કરોડ રહી હતી.
છેલ્લા કેટલાક મહિના રોકાણકારો માટે પડકારરૂપ રહ્યા હશે, પરંતુ તેમ છતાં 2024માં કંપનીનું એકંદર પ્રદર્શન સારું રહ્યું છે. વર્ષ 2024માં કંપનીના શેરમાં 109 ટકાનો વધારો જોવા મળ્યો છે. તે જ સમયે, ટાટાનો આ સ્ટોક એક વર્ષમાં 156 ટકા રિટર્ન આપવામાં સફળ રહ્યો છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
Published On - 9:54 pm, Sat, 9 November 24