Stock Market : દેશના ધનિક ઉદ્યોગપતિ અંબાણી અને ટાટાને થયું મોટું નુકસાન, રોકાણકારોના પૈસા ધોવાયા !
અંબાણીની કંપનીના શેરમાં એક અઠવાડિયામાં 1 ટકાથી વધુનો ઘટાડો જોવા મળ્યો છે. બીજીબાજુ ટાટાના શેરની સ્થિતિ પણ કથળી ગઈ છે. આવી સ્થિતિમાં રોકાણકારો પણ ચિંતામાં મુકાયા છે.
હાલમાં ટાટા અને અંબાણીને મોટું નુકસાન થયું છે. આ એક અઠવાડિયામાં જ વોલ્યુમ બદલાયું છે. બંને ઉદ્યોગપતિઓના નામ શેરબજારની 10 સૌથી મહત્વપૂર્ણ કંપનીઓની યાદી પણ છે.
મીડિયા રિપોર્ટસ મુજબ, એક અઠવાડિયામાં 6 કંપનીઓનું સંયુક્ત નુકસાન લગભગ 94 હજાર કરોડ રૂપિયા છે. આમાંથી TCS અને રિલાયન્સ ઇન્ડસ્ટ્રીઝને 51 હજાર કરોડ રૂપિયાનું નુકસાન થયું છે.
આ એક અઠવાડિયામાં ટાટા કન્સલ્ટન્સીના શેરમાં કુલ 1.46 ટકાનો ઘટાડો થયો છે, જેના કારણે કંપનીના શેરનો ભાવ ઘટીને 3,158.90 રૂપિયા થઈ ગયો છે. બીજી તરફ, રિલાયન્સ ઇન્ડસ્ટ્રીઝની સ્થિતિ પણ કથળી છે. એક અઠવાડિયામાં, અંબાણીની આ કંપની શેરબજારમાં લગભગ 1 ટકા જેટલી ઘટી ગઈ છે. શેરનો ભાવ ઘટીને 1,428.20 રૂપિયા થઈ ગયો છે.
આ અઠવાડિયે, TCSની માર્કેટ વેલ્યૂ અંદાજિત 27,334 કરોડ રૂપિયા ઘટીને 11 લાખ કરોડ રૂપિયા થઈ ગઈ છે, જેના કારણે શેરના ભાવમાં મોટો ઘટાડો જોવા મળ્યો છે.
હાલની સ્થિતિ મુજબ કેટલાક રોકાણકારોને નુકસાનનો સામનો કરવો પડ્યો છે. બીજી તરફ, રિલાયન્સની સ્થિતિ પણ કઈંક આવી જ છે. તેની માર્કેટ વેલ્યૂ 24 હજાર કરોડ રૂપિયા ઘટીને 19 લાખ કરોડ રૂપિયા થઈ ગઈ છે.
આ સિવાય HDFC બેંકને પણ ઘટાડાનો સામનો કરવો પડ્યો છે. આ કંપનીની માર્કેટ વેલ્યૂ લગભગ 20 હજાર કરોડ ઘટીને 15 લાખ કરોડ જેટલી થઈ ગઈ છે. આવી જ રીતે, ભારતી એરટેલની માર્કેટ વેલ્યૂ લગભગ 12 હજાર કરોડ ઘટી છે અને હિન્દુસ્તાન યુનિલિવરની માર્કેટ વેલ્યૂ પણ 7 હજાર કરોડ જેટલી ઘટી છે.
