સ્વપ્ન સંકેત : સપનામાં નાટક, ડાન્સ થતા જોયા છે ? જાણો આ વસ્તુઓ ભવિષ્યના શું આપે છે સંકેતો
Svapna sanket : રાત્રે સુતી વખતે સપના આવવા સ્વાભાવિક છે. દરેક સપનાને પોતાનું શુભ-અશુભ ફળ પણ છે. તો આજે તમને માહિતી આપશું કે કેવા સપનાનું ફળ કેવું મળશે.
સાફ કરવું : સ્વપ્નમાં કોઈ વાસણ સાફ કરતા જોવું તે ભોજન મળવાના, હાથ ધોતા જોવું તે ધન-લાભના સંકેત, માથું ધોવું તે શુભ અને હાથ-પગ ધોતા જોવું તે યાત્રા થવાની સંભાવના છે. કપડાં ધોતા જોવું તે બિમાર પડવાની ચેતવણી છે પરંતુ ગંદા કપડાં ધોવા અત્યંત શુભ લક્ષણ માનવામાં આવ્યું છે.
નકલ : સપનામાં કોઈને નકલ કરતાં જોવું તે કાર્યમાં અસફળતા તેમજ યાત્રામાં વિઘ્ન તથા થતું કાર્ય બગડશે તેવું સુચન કરે છે. વાદ-વિવાદ, પંચાયતમાં હારવાના લક્ષણો બતાવે છે.
નશો : સપનામાં કોઈ પણ પ્રકારનો નશો કરવો, નશામાં નાચતા જોવું તે માનસિક પરેશાની વધવાના સંકેતો છે. એવી સમસ્યા આવવાના એંધાણ છે કે તમારી બુદ્ધિ પણ કામ ના કરે.
નાચવું : પોતાના નાચતા જોવું કે બીજા કોઈને નાચતા જોવા તે કોઈ પણ પ્રકારના શારિરીક દુ:ખ આવવાનું સંકેત છે. આળસ, નિરાશાના યોગ બનવાની સંભાવના છે.
નાટક : નાટકમાં ભાગ લેવો કે નાટક જોવું તે કોઈના દ્વારા છળ-કપટ થશે અથવા આવી નોબત આવી શકે છે. કોઈ નજીકની વ્યક્તિ દ્વારા આ પ્રકારના કાર્ય કરવાની સંભાવના રહેલી છે.
માપ : કોઈ વસ્તુને માપવી કે જોખવી તે કાર્ય કે વ્યાપાર માં નુકસાન થવાની સંભાવના દર્શાવે છે. એવું પણ બની શકે કે વેપારમાં નુકસાન કે નોકરીમાંથી કાઢી મુકવાની નોબત આવી શકે છે.
નિશાન : કોઈ ચીજ પર નિશાન લગાવવું કે લાગતા જોવું તે કાર્યમાં સફળતા મળવાના સંકેતો છે. મોટી કોઈ ઈચ્છા પુરી થવાના સંકેતો રહેલા છે. (ડિસ્ક્લેમર : ઉપરોક્ત આપેલી જાણકારી જ્યોતિષ શાસ્ત્રમાં આપેલી માહિતીના આધારે લેવામાં આવી છે. TV 9 ગુજરાતી તેની પુષ્ટી કરતું નથી.)