Stock Market Breaking News : ટ્રમ્પનો ટેરિફ ગેરકાયદેસર જાહેર થતાં Nifty બન્યો રોકેટ, સોમવારે શેરબજાર પર રહેશે નજર
ગિફ્ટ નીફ્ટીમાં 200 પોઇન્ટથી વધુનો તેજ ઉછાળો નોંધાયો છે, જે મજબૂત બુલિશ મોમેન્ટમ દર્શાવે છે. વોલ્યુમ સાથેની ખરીદી અને ટેરિફ સંબંધિત સકારાત્મક સમાચારોએ બજારને નવો ચાર્મ આપ્યો
નીફ્ટી અને ગિફ્ટ નીફ્ટીમાં આવેલા તેજ ઉછાળાનું ચિત્રમાં સ્પષ્ટ રીતે દર્શન થાય છે. ટ્રેડિંગ વ્યૂ ચાર્ટ મુજબ, સાંજે 3:30 વાગ્યે નીફ્ટી 50 જે લેવલ પર બંધ થયો હતો, ત્યાંથી ગિફ્ટ નીફ્ટીમાં તીવ્ર ખરીદી જોવા મળી અને ભાવ સીધા ઉપર તરફ દોડ્યા.
ચાર્ટ અનુસાર, ગિફ્ટ નીફ્ટીમાં લગભગ 200થી 206 પોઇન્ટનો ઉછાળો નોંધાયો છે, જે ટકાવારીમાં આશરે 0.80%થી વધુનો વધારો દર્શાવે છે. ભાવ લગભગ 25,575ના ઝોનમાંથી ઉછળી ને 25,780 – 25,850ના લેવલ સુધી પહોંચતા દેખાય છે, જે મજબૂત બુલિશ મોમેન્ટમ બતાવે છે.
આ ઉછાળામાં વોલ્યુમ પણ મહત્વપૂર્ણ છે. ચાર્ટમાં દર્શાવ્યા મુજબ અંદાજે 17 હજારથી વધુ વોલ્યુમ સાથે ભાવમાં વધારો થયો છે, જે દર્શાવે છે કે માત્ર શોર્ટ કવરિંગ નહીં પરંતુ નવી ખરીદી પણ બજારમાં આવી છે. વોલ્યુમ સાથેનો ઉછાળો ટ્રેન્ડને વધુ વિશ્વસનીય બનાવે છે.
ભારતીય સમય અનુસાર રાત્રે આશરે 8 વાગ્યે ટૅરિફ સંબંધિત સકારાત્મક સમાચાર આવ્યા બાદ બજારના ભાવનામાં ઝડપી ફેરફાર જોવા મળ્યો. આ સમાચાર પછી ગિફ્ટ નીફ્ટીમાં સતત ઉપર તરફ કેન્ડલ્સ બની, જે દર્શાવે છે કે બજારે આ સમાચારને પોઝિટિવ રીતે સ્વીકાર્યા છે.
આ સ્ક્રીનશોટ મુજબ, બપોરે 3:30 વાગ્યે GIFT Nifty નો લેવલ અંદાજે 25,580 આસપાસ હતો. ત્યારબાદ વૈશ્વિક બજારના સંકેતોને પગલે રાત્રે 11:30 વાગ્યા સુધી તેમાં વધારો નોંધાયો અને તે લગભગ 25,795 સુધી પહોંચ્યો. એટલે કે, 3:30 વાગ્યાથી 11:30 વાગ્યા સુધીમાં GIFT Nifty અંદાજે 215 પોઈન્ટ જેટલો વધ્યો, જે આગામી ટ્રેડિંગ સેશન માટે સકારાત્મક સંકેત માનવામાં આવે છે.
(નોંધ : અહીં આપવામાં આવેલી માહિતી ફક્ત આપની જાણકારી માટે છે. કોઈ પણ રોકાણ કરવા પહેલા નિષ્ણાંતોની સલાહ લેવી જરૂરી છે.)
Published On - 9:46 pm, Fri, 20 February 26
