Stock Market : આ ‘3 શેર’ બજારમાં મચાવશે ધૂમ, તગડા વળતર માટે આનાથી શ્રેષ્ઠ વિકલ્પ બીજો કોઈ નથી
ઇન્ફ્રાસ્ટ્રક્ચર કંપનીઓ હવે માત્ર રોડ પ્રોજેક્ટ્સ પર નિર્ભર રહેવા માંગતી નથી. આ કંપનીઓ હવે રેલવે, મેટ્રો, સોલર, પાવર ટ્રાન્સમિશન, પાણી અને ટનલ જેવા બીજા ક્ષેત્રોમાં ઝડપથી પોતાનું કામ વધારવા જઈ રહી છે. એવામાં આ 3 સ્ટોક તમને મજબૂત રિટર્ન આપી શકે છે.
રોડ પ્રોજેક્ટ્સના નવા કોન્ટ્રાક્ટ મળવાની ગતિ હજુ પણ નબળી જોવા મળી રહી છે. નાણાકીય વર્ષ 2026 નવા કોન્ટ્રાક્ટ મળવાની દ્રષ્ટિએ તાજેતરના વર્ષોમાં સૌથી ધીમા વર્ષોમાંનું એક સાબિત થઈ શકે છે. નેશનલ હાઈવે ઓથોરિટી (NHAI) જેવી એજન્સીઓ પણ નાણાકીય વર્ષ 2026 માટે તેમના કોન્ટ્રાક્ટ આપવાના લક્ષ્યો પૂરા કરી શકશે નહીં. આનું કારણ મંજૂરીની પ્રક્રિયામાં વિલંબ અને ખાનગી કંપનીઓ દ્વારા રાખવામાં આવી રહેલી સાવચેતી છે.
માર્ગ પરિવહન અને હાઈવે મંત્રાલયે ટેન્ડરના નિયમો કડક બનાવ્યા છે. આમાં વધુ 'પરફોર્મન્સ સિક્યુરિટી' જમા કરાવવા જેવી શરતોનો સમાવેશ થાય છે, જેથી કંપનીઓ ખૂબ ઓછી કિંમત લગાવીને ટેન્ડર જીતવાનો પ્રયાસ ન કરે. હવે નવી તકો ધીમે-ધીમે એવા મોડલ તરફ જઈ રહી છે કે, જ્યાં પ્રોજેક્ટની જવાબદારી ડેવલપર પોતે ઉઠાવે છે. આનાથી એવી કંપનીઓને ફાયદો થશે કે, જેમની બેલેન્સ શીટ મજબૂત છે.
બ્રોકરેજ ફર્મ એક્સિસ ડાયરેક્ટના રિપોર્ટ મુજબ, ઇન્ફ્રાસ્ટ્રક્ચર કંપનીઓ હવે માત્ર રોડ પ્રોજેક્ટ્સ પર નિર્ભર રહેવા માંગતી નથી. તેથી, તેઓ રેલવે, મેટ્રો, સોલર, પાવર ટ્રાન્સમિશન, પાણી અને ટનલ જેવા બીજા ક્ષેત્રોમાં ઝડપથી પોતાનું કામ વધારી રહી છે.
આ સ્થિતિ વચ્ચે, બ્રોકરેજ ફર્મ એક્સિસ ડાયરેક્ટે રોડ અને ઇન્ફ્રા સેક્ટરની કંપનીઓના શેર પર લાંબાગાળા માટે મજબૂત આઉટલુક આપ્યો છે. આમાં Kalpataru Projects International Ltd, RITES Ltd અને Ahluwalia Contracts India Ltd નો સમાવેશ થાય છે.
બ્રોકરેજે કલ્પતરુ પ્રોજેક્ટ્સ પર BUY રેટિંગ સાથે 1,450 રૂપિયાનો ટાર્ગેટ પ્રાઈસ આપ્યો છે. શેર તેના પાછલા બંધ ભાવ એટલે કે 1,120 રૂપિયાથી આશરે 30% જેટલું વળતર આપી શકે છે.
બ્રોકરેજનું કહેવું છે કે, 31 ડિસેમ્બર 2025 સુધીમાં કંપની પાસે કુલ 63,287 કરોડ રૂપિયાની ઓર્ડર બુક છે. આમાં સૌથી મોટો હિસ્સો પાવર ટ્રાન્સમિશન અને ડિસ્ટ્રિબ્યુશન (41%) નો છે. ત્યારબાદ બિલ્ડિંગ અને ફેક્ટરી (29%), પાણી સાથે જોડાયેલા પ્રોજેક્ટ્સ (13%), ઓઈલ અને ગેસ (8%), રેલવે (4%) અને શહેરી ઇન્ફ્રાસ્ટ્રક્ચર (5%) નો હિસ્સો છે. કંપનીનો અંદાજ છે કે, નાણાકીય વર્ષ 2025 થી નાણાકીય વર્ષ 2027 સુધી તેની આવક સરેરાશ 21% ના વાર્ષિક દરે વધી શકે છે.
એક્સિસ દ્વારા રિટ્સ લિમિટેડ (RITES Ltd) પર 275 રૂપિયાનો ટાર્ગેટ પ્રાઈસ સેટ કરવામાં આવ્યો છે. આ રીતે શેર લાંબાગાળે આશરે 25% જેટલું વળતર આપી શકે છે. કંપનીના શેર બુધવારે 221.33 રૂપિયા પર બંધ થયા હતા. બ્રોકરેજે જણાવ્યું હતું કે, નાણાકીય વર્ષ 2026 ના ત્રીજા ક્વાર્ટરમાં કંપનીને 140 થી વધુ નવા ઓર્ડર મળ્યા છે, જેની કુલ કિંમત 1,141 કરોડ રૂપિયા રહી છે. આ સાથે જ કંપનીની કુલ ઓર્ડર બુક વધીને 9,262 કરોડ રૂપિયા થઈ ગઈ છે. આનાથી આગામી 2 થી 2.5 વર્ષ સુધી કમાણીની સારી સંભાવના દેખાઈ રહી છે.
અહલુવાલિયા કોન્ટ્રાક્ટ્સ ઇન્ડિયા પર બ્રોકરેજે ખરીદીની સલાહ સાથે 915 રૂપિયાનો ટાર્ગેટ પ્રાઈસ આપ્યો છે. કંપનીના શેર મંગળવારે 813.50 રૂપિયા પર બંધ થયા હતા. આવી સ્થિતિમાં રોકાણકારોને 13% સુધીનું વળતર મળી શકે છે.
