TATA Company Share: ટાટાના આ શેરમાં ભૂકંપ, LICએ વેચ્યો મોટો હિસ્સો, ભાવ તૂટ્યા, રોકાણકારોમાં મુઝવણમાં !
Nov 12, 2024 | 8:19 PM
ટાટાના શેરને લઈને આજે મંગળવારે અને 12 નવેમ્બરના એક મોટું અપડેટ સામે આવ્યું છે. જાહેર ક્ષેત્રની લાઇફ ઇન્સ્યોરન્સ કોર્પોરેશન ઓફ ઇન્ડિયા (LIC) એ ટાટાના આ કંપનીમાં 2.02 ટકાથી વધુ હિસ્સો રૂ. 2,888 કરોડમાં વેચ્યો છે. LICએ તેનો હિસ્સો 18,87,06,367 શેરથી ઘટાડીને 12,39,91,097 શેર કર્યો છે.
ટાટાના આ શેરને લઈને આજે મંગળવારે એક મોટું અપડેટ સામે આવ્યું છે. જાહેર ક્ષેત્રની લાઇફ ઇન્સ્યોરન્સ કોર્પોરેશન ઓફ ઇન્ડિયા (LIC) એ ટાટાની આ કંપનીમાં 2.02 ટકાથી વધુ હિસ્સો રૂ. 2,888 કરોડમાં વેચ્યો છે. LICએ મંગળવારે આ જાણકારી આપી છે. હવે ટાટાના શેરમાં LICનો હિસ્સો ઘટીને 3.88 ટકા થઈ ગયો છે. ટાટાના આ શેરમાં આજે 5%થી વધુનો ઘટાડો થયો છે.
LICએ શેરબજારને આપેલી માહિતીમાં જણાવ્યું હતું કે વીમા દિગ્ગજ કંપનીએ ટાટા પાવર કંપની લિમિટેડ (TPCL)માં તેનો હિસ્સો 18,87,06,367 શેરથી ઘટાડીને 12,39,91,097 શેર કર્યો છે. તે કંપનીની પેઇડ-અપ મૂડીના 5.90 ટકાથી ઘટીને 3.88 ટકા થઈ ગઈ છે.
આ શેર્સ ઓપન માર્કેટમાં 20 જૂન, 2024 અને નવેમ્બર 11, 2024 વચ્ચે સરેરાશ 446.402 રૂપિયા પ્રતિ શેરના ભાવે વેચાયા હતા. આ કિંમતે, LICએ રૂ. 2,888 કરોડમાં 6.47 કરોડથી વધુ શેર અથવા 2.02 ટકા હિસ્સો વેચ્યો હતો.
BSE પર LICનો શેર 0.32 ટકા વધીને રૂ. 921.45 પર બંધ રહ્યો હતો. અહીં, ટાટા પાવરનો શેર આજે ટ્રેડિંગ દરમિયાન 5% થી વધુ ઘટ્યો અને રૂ. 412.70 ના ઇન્ટ્રાડે લોએ પહોંચ્યો.
આ સ્ટોક પાંચ દિવસમાં 7% અને એક મહિનામાં 10% થી વધુ ઘટ્યો છે. આ વર્ષે અત્યાર સુધીમાં સ્ટોક 25% વધ્યો છે. આ સ્ટોક એક વર્ષમાં 60% વધ્યો છે. ટાટા પાવરના શેર પાંચ વર્ષમાં 700% વધ્યા હતા.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.