SBI માં 46 દિવસની FD માં 2,00,000 રૂપિયા જમા કરાવો તો કેટલા રૂપિયા મળે ? જાણી લો
SBI ફિક્સ્ડ ડિપોઝિટ ટૂંકા ગાળાના રોકાણ માટે ઉત્તમ વિકલ્પ છે. 7 દિવસથી 10 વર્ષ સુધીની મુદત ઉપલબ્ધ છે, જેમાં 46-179 દિવસની FD પર ખાસ ધ્યાન અપાયું છે.
સ્ટેટ બેંક ઓફ ઈન્ડિયા (SBI) દેશની સૌથી મોટી જાહેર ક્ષેત્રની બેંક છે અને તે પોતાના ગ્રાહકોને વિવિધ મુદત માટે ફિક્સ્ડ ડિપોઝિટ (FD) યોજનાઓ ઓફર કરે છે. SBI માં ઓછામાં ઓછા 7 દિવસથી લઈને મહત્તમ 10 વર્ષ સુધીની મુદત માટે FD ખાતું ખોલી શકાય છે. હાલ બેંક FD પર આશરે 3.05% થી 7.05% સુધીના વ્યાજ દર ઓફર કરી રહી છે.
SBIમાં 46 દિવસથી 179 દિવસ સુધીની ટૂંકી મુદત માટે પણ FD ખાતું ખોલી શકાય છે. આ મુદતની FD પર બેંક સામાન્ય નાગરિકો, વરિષ્ઠ નાગરિકો અને ખૂબ જ વરિષ્ઠ નાગરિકો માટે અલગ અલગ વ્યાજ દર આપે છે. હાલમાં આ અવધિ માટે સામાન્ય નાગરિકોને 4.90%, વરિષ્ઠ નાગરિકોને 5.40% અને ખૂબ જ વરિષ્ઠ નાગરિકોને 5.50% સુધીનું વ્યાજ આપવામાં આવે છે. ખાસ કરીને 46 દિવસની “અમૃત વર્ષા સ્પેશિયલ FD” પર સૌથી વધુ વ્યાજ દર મળે છે.
જો કોઈ સામાન્ય નાગરિક SBI ની 46 દિવસની FD યોજનામાં ₹2,00,000 જમા કરે છે, તો પાકતી મુદતે તેને કુલ ₹2,01,231 મળશે. એટલે કે આ સમયગાળા દરમિયાન આશરે ₹1,231નું વ્યાજ મળશે. તે જ રીતે, જો વરિષ્ઠ નાગરિક ₹2 લાખની FD કરે તો પાકતી મુદતે તેમને કુલ ₹2,01,357 મળશે. તેમાં આશરે ₹1,357નું વ્યાજ સામેલ છે.
જ્યારે ખૂબ જ વરિષ્ઠ નાગરિકો માટે આ જ FD પર પાકતી મુદતે કુલ ₹2,01,382 મળશે, એટલે કે તેમને આશરે ₹1,382નું વ્યાજ મળશે.
આ રીતે SBI ની ટૂંકી મુદતની FD યોજના એવા રોકાણકારો માટે સારી પસંદગી બની શકે છે, જેઓ ઓછા સમય માટે સુરક્ષિત રીતે પોતાની રકમ પર વ્યાજ મેળવવા માંગે છે.
