Richest City : દેશના સૌથી અમીર લોકો ક્યાં રહે છે ? ગુજરાતના આ બે શહેર ટોપમાં, જાણો નામ
Rich List 2025 મુજબ ભારતના સૌથી ધનિક શહેરોની યાદી જાહેર થઈ છે. મુંબઈ 451 હાઇ-નેટવર્થ વ્યક્તિઓ સાથે ટોચ પર છે. મહત્વનું છે કે ગુજરાતના પણ બે શહેરનો સમાવેશ આ લિસ્ટમાં થાય છે..
તમે ક્યારેય વિચાર્યું છે કે ભારતના સૌથી ધનિક લોકો રહેવા માટે કયા શહેરોને પસંદ કરે છે? તાજેતરમાં પ્રકાશિત થયેલી M3M Hurun India Rich List 2025 એ એવા ટોચના 10 ભારતીય શહેરોની યાદી જાહેર કરી છે જ્યાં સૌથી વધુ સુપર રિચ અને અબજોપતિ લોકો રહે છે. આ યાદીમાં મુંબઈ ફરી એકવાર નંબર 1 રહ્યું છે, જ્યારે ગુરુગ્રામનું પ્રદર્શન આશ્ચર્યજનક રહ્યું છે. ચાલો આખી યાદી વિગતવાર જાણી લઈએ…
મુંબઈ દેશનું સૌથી ધનિક શહેર છે. મુંબઈ 451 હાઇ-નેટવર્થ વ્યક્તિઓ સાથે ભારતમાં સૌથી ધનિક શહેર તરીકે ટોચ પર છે. 2021માં આ સંખ્યા 255 હતી, એટલે કે વાર્ષિક નોંધપાત્ર વૃદ્ધિ જોવા મળી છે. ભારતના સૌથી ધનિક વ્યક્તિ મુકેશ અંબાણી અને તેમનો પરિવાર અહીં રહે છે. મુંબઈમાં કુલ 91 અબજોપતિ વસે છે, જે આ નાણાકીય રાજધાનીને સુપર રિચ લોકો માટે સૌથી પ્રિય સ્થળ બનાવે છે.
નવી દિલ્હી 223 ધનિક લોકો સાથે બીજા ક્રમે છે, જ્યારે 2021માં આ સંખ્યા 167 હતી. રોશની નાદર મલ્હોત્રા અને તેમનો પરિવાર આ શહેરના સર્વાધિક સમૃદ્ધ લોકોમાં છે. દિલ્હીમાં હાલ 70 અબજોપતિ રહે છે.
આઈટી હબ તરીકે ઓળખાતું બેંગલુરુ 116 HNI સાથે ત્રીજા ક્રમે છે. 2021માં આ સંખ્યા 85 હતી. અઝીમ પ્રેમજી અને તેમનો પરિવાર અહીંના સૌથી ધનિક લોકો છે. શહેરમાં કુલ 31 અબજોપતિ વસે છે.
102 ધનિક લોકો સાથે હૈદરાબાદ હવે ઝડપથી બિઝનેસ હબ તરીકે ઉભરતું શહેર છે. ગયા વર્ષના 104ની સરખામણીમાં થોડો ઘટાડો દેખાયો છે, પરંતુ શહેર હજુ પણ 19 અબજોપતિઓનું ઘર છે. મુરલી દિવી અને તેમનો પરિવાર શહેરના ટોચના ધનિક છે.
ચેન્નાઈમાં હાલ 94 સુપર રિચ લોકો છે, જ્યારે 2021માં આ સંખ્યા ફક્ત 43 હતી — અર્થાત ધન સંપત્તિમાં ઝંપલાવ્ળું વૃદ્ધિ. વેણુ શ્રીનિવાસન આ શહેરના સૌથી ધનિક લોકોમાં છે. ચેન્નાઈમાં 22 અબજોપતિ વસે છે.
અમદાવાદ આ યાદીમાં 6મા ક્રમે છે અને 68 ધનિક લોકોનું ઘર છે. શહેરનું નેતૃત્વ ગૌતમ અદાણી અને તેમનો પરિવાર કરે છે. અમદાવાદમાં કુલ 16 અબજોપતિ રહે છે.
કોલકાતા 68 સુપર રિચ લોકો સાથે 7મા ક્રમે છે, ગયા વર્ષના 69 કરતા થોડું ઓછું. સંજિવ ગોએન્કા અને તેમનો પરિવાર શહેરના ટોચના ધનિક છે. કોલકાતામાં 11 અબજોપતિ વસે છે.
પુણેએ છેલ્લા થોડા વર્ષોમાં સંપત્તિ વૃદ્ધિમાં રેકોર્ડ બનાવ્યો છે. અહીં 66 ધનિક લોકો રહે છે, જ્યારે 2021માં આ સંખ્યા ફક્ત 31 હતી. શહેરનો આર્થિક ઉછાળો મુખ્યત્વે સાયરસ એસ. પૂનાવાલા અને તેમનાં ફાર્મા સામ્રાજ્યને કારણે જોવા મળ્યો છે. પુણેમાં 12 અબજોપતિ છે.
ગુરુગ્રામે આ વર્ષે યાદીમાં પ્રવેશ કર્યો છે અને 38 અબજોપતિઓ સાથે 9મા ક્રમે છે. શહેરના સૌથી ધનિક નિર્મલ કુમાર મિંડા અને તેમનો પરિવાર છે. દિલ્હી નજીકતા અને ગ્લોબલ કોર્પોરેટ ઓફિસોની હાજરી ગુરુગ્રામને ઝડપથી વેલ્થ હબ બનાવી રહી છે.
સુરત 32 ધનિક લોકો સાથે ટોપ 10માં છે. 2021માં આ સંખ્યા ફક્ત 18 હતી, એટલે કે વૃદ્ધિ દોઢથી વધુ ગણો. શહેરના સૌથી ધનિક ફારૂકભાઈ ગુલામભાઈ પટેલ છે. હીરા અને કાપડ ઉદ્યોગના કારણે સુરત પશ્ચિમ ભારતમાં તેજીથી ઊભરતું સમૃદ્ધ શહેર બન્યું છે.
Published On - 2:48 pm, Wed, 3 December 25
