Stock Market: અમદાવાદના CGST વિભાગ તરફથી ફાર્મા કંપનીને કરોડોની નોટિસ મળી, આની અસર તેના સ્ટોક પર પડશે કે નહીં?
ફાર્માસ્યુટિકલ કંપનીને કરોડો રૂપિયાની ટેક્સ નોટિસ મળી છે. કંપનીએ આજે એટલે કે શનિવારના રોજ 01 નવેમ્બરે આ વાતનો ખુલાસો કર્યો. હવે આ નોટિસથી તેના શેર પર શું અસર પડશે, તે સોમવારે બજાર ખુલશે ત્યારે જ ખબર પડશે.
ફાર્માસ્યુટિકલ જાયન્ટ કંપનીને મોટો ઝટકો લાગ્યો છે. તેને અમદાવાદ સ્થિત CGST ના કોમન એડજ્યુડિકેશન ઓથોરિટીના જોઈન્ટ કમિશનર તરફથી કરોડોની નોટિસ મળી. આ નોટિસ એપ્રિલ 2018 થી માર્ચ 2024 વચ્ચેના સમયગાળાની છે. કંપનીએ આજે, 1 નવેમ્બરના રોજ એટલે કે શનિવારે આ નોટિસની જાહેરાત કરી.
આ નોટિસની અસર તેના શેર ઉપર પડશે. આથી, સોમવારને 3 નવેમ્બરના રોજ શેરબજાર ખુલશે, રોકાણકારોની નજર કંપનીના સ્ટોક પર હશે. હાલમાં, તેના શેર ₹974.00 પર ટ્રેડ થઈ રહ્યા છે, જે 1.19% ના ઘટાડા સાથે શુક્રવારે 31 ઓક્ટોબરે બંધ થયા હતા.
ફાર્માસ્યુટિકલ કંપનીએ શનિવાર, 1 નવેમ્બરના રોજ ખુલાસો કર્યો કે, તેને એપ્રિલ 2018 થી માર્ચ 2024 ના સમયગાળા માટે ગુજરાતમાં કરોડો રૂપિયાની ડિમાન્ડ નોટિસ મળી છે. આ ઓર્ડર માલની નિકાસ પર ઇન્ટિગ્રેટેડ ગુડ્સ એન્ડ સર્વિસ ટેક્સ (IGST) ના કથિત વધારાના રિફંડ દાવા સાથે જોડાયેલ છે. મળતી માહિતી મુજબ, આ તફાવત FOB (ફ્રી ઓન બોર્ડ) કિંમતને બદલે CIF (કિંમત, વીમો અને Freight) કિંમતને કારણે આવેલ છે.
ઓર્ડર અનુસાર, કંપની પાસેથી ₹74.23 કરોડની માંગ કરવામાં આવી છે. આ સાથે કંપનીએ વ્યાજ પણ ચૂકવવાનું રહેશે. આ નોટિસ અંગે કંપની જણાવે છે કે, તેનો કેસ મજબૂત છે અને તે નોટિસને પડકારવાનું વિચારી રહી છે. ટૂંકમાં કંપની આ આદેશ સામે અપીલ કરશે. કંપની જણાવે છે કે, આ નોટિસની તેના કામકાજ પર કોઈ નાણાકીય અસર નહીં પડે. કંપનીને 31 ઓક્ટોબરના રોજ બપોરે 3:36 વાગ્યે આ નોટિસ મળી હતી.
Zydus Lifesciences Ltd ના શેરની વાત કરીએ તો, તે 07 એપ્રિલ, 2025 ના રોજ, તે ₹797.05 પર હતો. જો કે, આ નીચા સ્તરથી તે 5 મહિનામાં 32.87% વધીને 19 સપ્ટેમ્બર, 2025 ના રોજ ₹1059.00 પર પહોંચી ગયો.
વધુમાં જોઈએ તો, 31 વિશ્લેષકોમાંથી, 14 લોકોએ આ સ્ટોકને 'બાય' રેટિંગ, 6 લોકોએ 'સેલ' રેટિંગ અને 11 લોકોએ 'હોલ્ડ' રેટિંગ આપ્યું છે. આ સ્ટોક ભવિષ્યમાં +34.54% વધીને ₹1311.00 અથવા તો -12.77% ઘટીને 850 ની આસપાસ પહોંચી શકે છે.
