Pakistan stock market crash : ભારત પર હુમલા બાદ પાકિસ્તાનના શેરબજાર પર આવ્યું મોટું સંકટ ! રોકાણકારોએ વેચી દીધા શેર, જાણો કારણ
કાશ્મીરના પહેલગામ શહેર નજીક 'મીની સ્વિટ્ઝર્લૅન્ડ' તરીકે ઓળખાતા પર્યટન સ્થળ બૈસરન ખાતે થયેલા આતંકવાદી હુમલામાં 26 લોકો માર્યા ગયા હતા. મૃતકોમાં મોટાભાગના પ્રવાસીઓ હતા. જોકે આ ઘટના બાદ હવે પાકિસ્તાનના શેરબજારમાં અસર જોવા મળી રહી છે.
શેરબજાર પર આર્થિક દબાણ વધારતું બીજું એક કારણ આંતરરાષ્ટ્રીય નાણાકીય ભંડોળ (IMF) દ્વારા આપવામાં આવેલ GDP વૃદ્ધિ દરનો ઘટાડો છે. IMF અનુસાર, નાણાકીય વર્ષ 2025 માટે પાકિસ્તાનની GDP વૃદ્ધિ દર માત્ર 2.6% રહેશે, જ્યારે અગાઉ જાન્યુઆરીમાં આ અંદાજ 3%નો હતો. વર્ષ 2026 માટે પણ માત્ર 3.6% વૃદ્ધિનો અંદાજ આપવામાં આવ્યો છે.
આ ઉપરાંત, ક્રેડિટ રેટિંગ એજન્સી ફિચ રેટિંગ્સે પાકિસ્તાની રૂપિયામાં આગામી સમયમાં ઘટાડાની આગાહી કરી છે. ફિચના અનુમાન પ્રમાણે, જૂન 2025 સુધીમાં રૂપિયો ડોલર સામે 285 સુધી જઇ શકે છે, જ્યારે નાણાકીય વર્ષ 2026ના અંત સુધીમાં તે વધુ નબળો પડીને 295 સુધી પહોંચી શકે છે.
આ તમામ ઘટનાઓના એકસાથે પ્રભાવથી પાકિસ્તાની શેરબજારમાં અસ્વીકાર્ય ચિંતાનું માહોલ છવાઈ ગયું છે, અને રોકાણકારોમાં પણ અનિશ્ચિતતા જોવા મળી રહી છે. (નોંધ : અહીં આપવામાં આવેલી માહિતી ફક્ત આપની જાણકારી માટે છે. કોઈ પણ રોકાણ કરવા પહેલા નિષ્ણાતોની સલાહ લેવી જરૂરી છે.)
Published On - 7:09 pm, Wed, 23 April 25
