વર્લ્ડ કપ 2027 માટે ગૌતમ ગંભીરનો મેગા પ્લાન તૈયાર, શ્રેયસ અય્યરના સ્થાને આ ધુરંધરની થઈ શકે છે ODI ટીમમાં એન્ટ્રી !
ટીમ ઈન્ડિયાએ ODI 2027 વર્લ્ડ કપ માટે બેકઅપ પ્લાન પર કામ શરૂ કરી દીધું છે. સૌથી મોટી ચિંતા મિડલ ઓર્ડરની છે. જ્યાં શ્રેયસ અય્યરનો વિકલ્પ શોધવામાં આવી રહ્યો છે. TOI ના અહેવાલ મુજબ, મુખ્ય કોચ ગૌતમ ગંભીર અને કેપ્ટન શુભમન ગિલ માને છે કે હાલમાં મુખ્ય ટુર્નામેન્ટમાં કોઈ વિશ્વસનીય મિડલ ઓર્ડર બેકઅપ નથી.
હાર્દિક પંડ્યા અને નીતિશ કુમાર રેડ્ડીની નબળી ફિટનેસને જોતાં, ટીમ ઈન્ડિયા એવા ખેલાડીને ઇચ્છે છે જે ટોચના છમાં બેટિંગ કરી શકે અને જરૂર પડ્યે ત્યારે ઓછામાં ઓછી ચાર ઓવર પણ બોલિંગ કરી શકે. (Image Sourve | PTI)
છેલ્લા કેટલાક સમયથી ભારતીય ટીમને પ્લેઇંગ 11 નું સંતુલન જાળવવા માટે અક્ષર પટેલ અથવા વોશિંગ્ટન સુંદરને બેટિંગ ક્રમમાં ઉપર મોકલવા પડ્યા છે. ટીમ મેનેજમેન્ટ હવે આ પ્રકારના સમાધાનથી બચવા માંગે છે. (Image Sourve | PTI)
ટીમ મેનેજમેન્ટ અને પસંદગીકારો તિલક વર્માને ટોપ 6 માં શ્રેયસ અય્યરના બેકઅપ તરીકે તૈયાર કરવા અંગે વિચાર કરી રહી છે. ડાબોડી બેટ્સમેન હોવાના કારણે તિલક વર્મા વર્તમાન બેટિંગ ક્રમમાં જરૂરી સંતુલન પણ લાવી શકે છે. (Image Sourve | PTI)
આગામી ક્રિકેટ વર્લ્ડ કપ આફ્રિકન મહાદ્વીપમાં યોજાવાનો હોવાથી ટીમ મેનેજમેન્ટ અત્યારથી જ ત્યાંની પરિસ્થિતિને ધ્યાનમાં રાખીને વિકલ્પો તૈયાર કરવા માંગે છે. ઝડપી બોલિંગ અને ઉછાળાવાળી બોલિંગ સામે બેટ્સમેનોની ક્ષમતા પણ ટીમની યોજનાનો મહત્વનો હિસ્સો છે. (Image Sourve | PTI)
શ્રેયસ અય્યર ગયા વર્ષે ઓસ્ટ્રેલિયા પ્રવાસ દરમિયાન ઈજાગ્રસ્ત થયો હતો. શોર્ટ પિચ બોલ સામે શ્રેયસની નબળાઈને લઈને પણ ટીમ મેનેજમેન્ટમાં ચર્ચા ચાલી રહી છે. (Image Sourve | PTI)
રોહિત શર્મા અને વિરાટ કોહલી પોતાની કારકિર્દીના અંતિમ પડાવમાં છે, જ્યારે વર્લ્ડ કપ સુધીમાં કેએલ રાહુલની ઉંમર પણ 35 વર્ષથી વધુ થઈ જશે. (Image Sourve | PTI)
