ના અંબાણી ના અદાણી… આ બિઝનેસમેન બનશે દુનિયાનો પહેલો ‘Trillionaire’, ઇતિહાસના સૌથી મોટા IPOથી આ વ્યક્તિની સંપત્તિ આસમાને પહોંચશે
દુનિયાના સૌથી અમીર બિઝનેસમેનની નેટવર્થમાં ટૂંક સમયમાં જ એક નવો ઐતિહાસિક રેકોર્ડ જોડાવા જઈ રહ્યો છે. વાત એમ છે કે, આ બિઝનેસમેન તેની કંપનીના આઈપીઓ (IPO) લોન્ચિંગ સાથે જ વિશ્વના પ્રથમ 'ટ્રિલિયોનર' (1000 અબજ ડોલરની સંપત્તિ ધરાવતા વ્યક્તિ) બની જશે.

દુનિયાના સૌથી અમીર બિઝનેસમેન એલોન મસ્ક થોડી જ વારમાં 1000 અબજ ડોલરને પાર પહોંચી જશે. આ સાથે જ તેઓ દુનિયાના પ્રથમ ટ્રિલિયોનર (Trillionaire) બની જશે. હા, આજે જેવી મસ્કની સ્પેસ કંપની સ્પેસએક્સ (SpaceX) ના શેર માટે ટ્રેડિંગ શરૂ થશે, તેમની નેટવર્થ સીધી 1000 અબજ ડોલરને પાર થઈ જશે. ફોર્બ્સની રિયલ ટાઈમ બિલિયોનર્સ લિસ્ટ મુજબ, સમાચાર લખાયા ત્યાં સુધી ઈલોન મસ્કની હાલની નેટવર્થ 982.6 બિલિયન ડોલર હતી.

એલોન મસ્કે SpaceX ના આઈપીઓ (IPO) દ્વારા કુલ 75 બિલિયન ડોલર (આશરે 7.15 લાખ કરોડ રૂપિયા) એકઠા કર્યા છે. આ દુનિયાના ઇતિહાસનો સૌથી મોટો આઈપીઓ છે. કંપનીના ફાઇલિંગના આધારે ફોર્બ્સના અંદાજ અને રોઇટર્સની ગણતરી મુજબ, શુક્રવારે જ્યારે સ્પેસ કંપનીના શેર માટે ટ્રેડિંગ શરૂ થશે, ત્યારે મસ્કની નેટવર્થ $1.1 ટ્રિલિયન એટલે કે 1100 અબજ ડોલરથી વધુ થવાની આશા છે.

SpaceX એ પોતાના આઈપીઓ માટે પ્રતિ શેર 135 ડોલરની પ્રાઇસ બેન્ડ ફિક્સ કરી છે. આ સ્તર પર એલોન મસ્કની કંપની સ્પેસએક્સનું વેલ્યુએશન આશરે 1.77 થી 1.8 ટ્રિલિયન ડોલર હશે, જે દુનિયામાં કોઈપણ કંપનીના વેલ્યુએશન કરતાં ઘણી વધારે છે.

એલોન મસ્ક પાસે SpaceX ના 476 કરોડ શેર છે અને એક શેરની કિંમત 135 ડોલર છે. આ હિસાબે માત્ર સ્પેસએક્સમાં જ એલોન મસ્કની હિસ્સેદારીની વેલ્યુ 866 અબજ ડોલર એટલે કે 82 લાખ કરોડ રૂપિયા થઈ ગઈ છે. આ સિવાય, ટેસ્લા (Tesla) માં મસ્કની હિસ્સેદારીની વેલ્યુ આશરે 260 અબજ ડોલર અને બાકીની કંપનીઓમાં આશરે 5-10 અબજ ડોલર છે.

દુનિયાના સૌથી અમીર લોકોની યાદીમાં હવે એલોન મસ્ક ઘણા ઉપર પહોંચી ગયા છે અને દુનિયાની કોઈપણ વ્યક્તિ માટે તેમની નજીક પહોંચવું પણ હવે લગભગ અશક્ય જેવું થઈ ગયું છે. દુનિયાના સૌથી અમીર લોકોની યાદીમાં થોડી જ વારમાં એલોન મસ્ક 1000 અબજ ડોલરથી વધુની નેટવર્થ સાથે પ્રથમ સ્થાને યથાવત રહેશે. આ યાદીમાં બીજા સ્થાને ગૂગલના લેરી પેજ છે, જેમની હાલની નેટવર્થ 292.7 અબજ ડોલર છે.
Breaking News: સરકારે સોના-ચાંદીને લઈને લીધો ‘મોટો નિર્ણય’, કોને ફાયદો થશે… મિડલ ક્લાસને કે રોકાણકારોને?
