RIL Industries : મુકેશ અંબાણીની કંપનીના રોકાણકારો માટે 14 ઓકટોબરનો દિવસ હશે મોટો, જાણો કારણ
રિલાયન્સ ઇન્ડસ્ટ્રીઝ લિમિટેડે AGM દરમિયાન યોજાયેલી બોર્ડ મીટિંગમાં એક શેર પર એક શેર બોનસ આપવાનો નિર્ણય કર્યો હતો. કંપની દ્વારા હજુ સુધી આ માટેની રેકોર્ડ ડેટ જાહેર કરવામાં આવી નથી. માનવામાં આવે છે કે રિલાયન્સ ઇન્ડસ્ટ્રીઝ દ્વારા આવતીકાલે રેકોર્ડ ડેટની જાહેરાત કરવામાં આવી શકે છે.
મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝ લિમિટેડ એક શેર પર એક શેર બોનસ આપશે. રિલાયન્સ દ્વારા આપવામાં આવેલી માહિતીમાં એવું કહેવામાં આવ્યું હતું કે કંપનીના બોર્ડ ઓફ ડિરેક્ટર્સે વાર્ષિક સામાન્ય સભા (AGM)માં 1 શેર પર એક શેરના બોનસ માટે મંજૂરી આપી હતી. આનો અર્થ એ છે કે પાત્ર રોકાણકારોને રૂપિયા 10ની ફેસ વેલ્યુ સાથેના દરેક શેર માટે કંપની તરફથી વધારાનો એક શેર મળશે.
આવી સ્થિતિમાં, આશા છે કે કંપની દિવાળી પહેલા રોકાણકારોને મોટી ભેટ આપી શકે છે. તમને જણાવી દઈએ કે, રિલાયન્સ ઈન્ડસ્ટ્રીઝે હજુ સુધી બોનસ ઈશ્યૂ માટે રેકોર્ડ ડેટ જાહેર કરી નથી. રિલાયન્સ ઇન્ડસ્ટ્રીઝ દ્વારા રેકોર્ડ ડેટની જાહેરાત કરવામાં આવી શકે છે
મુકેશ અંબાણીની આ કંપનીની બોર્ડ મીટિંગ આવતીકાલે એટલે કે 14મી ઓક્ટોબરે યોજાવાની છે. આ મીટિંગમાં કંપની દ્વારા બોનસ ઈશ્યૂ માટે રેકોર્ડ ડેટની જાહેરાત કરવામાં આવી શકે છે.
તે જ દિવસે, કંપની ચાલુ નાણાકીય વર્ષના બીજા ક્વાર્ટર અને પ્રથમ છ મહિનામાં પરિણામ જાહેર કરી શકે છે. કંપનીના શેર આવતીકાલે ફોકસમાં રહેશે. સેબીના નિયમો અનુસાર, રિલાયન્સ ઇન્ડસ્ટ્રીઝની સિક્યોરિટીઝમાં ટ્રેડિંગ વિન્ડો 1 ઓક્ટોબરથી બંધ છે. કંપનીના નાણાકીય પરિણામો બહાર આવ્યા પછી પણ તે 48 કલાક માટે બંધ રહેશે.
રિલાયન્સ ઇન્ડસ્ટ્રીઝે 2017માં બોનસ શેર આપ્યા હતા. પછી કંપનીએ એક શેર પર એક શેર બોનસ આપ્યું. 2009માં પણ કંપનીએ રોકાણકારોને બોનસ શેર આપ્યા હતા. ત્યારે પણ રિલાયન્સ ઇન્ડસ્ટ્રીઝે 1 શેર પર 1 શેર બોનસ આપ્યું હતું. તમને જણાવી દઈએ કે, 19 ઓગસ્ટ, 2024ના રોજ કંપનીએ એક્સ-ડિવિડન્ડ તરીકે ટ્રેડિંગ કર્યું હતું. ત્યારે કંપનીએ દરેક શેર પર 10 રૂપિયાનું ડિવિડન્ડ આપ્યું હતું.
શુક્રવારે કંપનીના શેર રૂપિયા 2742.20ના સ્તરે બંધ થયા હતા. કંપનીનું 52 સપ્તાહનું ઉચ્ચ સ્તર રૂપિયા 3,217.90 અને 52 સપ્તાહનું લોવર સ્તર રૂપિયા 2,221.05 છે. નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણ કરતા પહેલા હંમેશા નિષ્ણાતની સલાહ લો.
Published On - 6:06 pm, Sun, 13 October 24