કાનુની સવાલ : શું મૃતક મુસાફર પાસે ટ્રેનની ટિકિટ ના હોય તો તેને વળતર મળશે ? સુપ્રીમ કોર્ટે ગુજરાત હાઈકોર્ટના નિર્ણયને રદ કર્યો
ટ્રેન અકસ્માતમાં જીવ ગુમાવનાર વ્યક્તિના કેસમાં સુપ્રીમ કોર્ટે એક મોટી ટિપ્પણી કરી છે, જેનાથી તેના પરિવારને મોટી રાહત મળી છે.સુપ્રીમ કોર્ટે ગુજરાત હાઈકોર્ટના નિર્ણયને રદ કર્યો છે. ચાલો આજે આપણે અમારી કાનુની સીરિઝમાં આ વિશે વિસ્તારથી જાણીએ.
સુપ્રીમ કોર્ટે 2017માં ગુજરાતમાં ચાલુ ટ્રેનમાંથી પડી જવાથી એક વ્યક્તિનું મૃત્યું થયું હતુ. મૃત્યુંપામેલા વ્યક્તિના માતા-પિતાને આપવામાં આવેલા વળતરને સુપ્રીમ કોર્ટે પુનઃસ્થાપિત કરતી વખતે કહ્યું કે મૃતક રેલવે મુસાફર પાસેથી ટિકિટ ન મળી હોવાથી વળતરનો દાવો નકારી શકાય નહીં.
ન્યાયાધીશ ઉજ્જલ ભુયાન અને એ.એસ. ચાંદુરકરની બેન્ચે ગુજરાત હાઈકોર્ટના આદેશને રદ કર્યો. જેમાં મહેશભાઈના માતા-પિતાને આપવામાં આવેલા વળતરને નકારી કાઢવામાં આવ્યો હતો.
27 સપ્ટેમ્બર, 2017 ના રોજ મહેશભાઈ અમદાવાદથી સુરત જઈ રહ્યા હતા ત્યારે ટ્રેન અચાનક ધક્કો લાગવાથી જનરલ ડબ્બામાંથી નીચે પડી ગયા હતા.
મહેશભાઈના માતા-પિતાએ વળતર માટે રેલવે ક્લેમ્સ ટ્રિબ્યુનલમાં અરજી દાખલ કરી હતી. તેમણે જણાવ્યું હતું કે અકસ્માત સમયે તેમનો પુત્ર ટિકિટ સાથે ટ્રેનમાં મુસાફરી કરી રહ્યો હતો.
જોકે, તપાસ દરમિયાન ટિકિટ મળી ન હતી. રેલવેએ જણાવ્યું હતું કે ટિકિટ ન હોવા બદલ વળતર ચૂકવવું અયોગ્ય છે. જોકે, 17 જૂન, 2022 ના રોજ, રેલવે ક્લેમ્સ ટ્રિબ્યુનલે રેલવેને 8 લાખ અને વ્યાજનું વળતર ચૂકવવાનો આદેશ આપ્યો હતો.
ગુજરાત હાઈકોર્ટે ટિકિટના અભાવને મુખ્ય કારણ ગણાવીને ટ્રિબ્યુનલના વળતર એવોર્ડને ફગાવી દીધો હતો. હવે, આ કેસની સુનાવણી કરતી સુપ્રીમ કોર્ટે રેલવે ક્લેમ્સ ટ્રિબ્યુનલના 17 જૂન, 2022 ના આદેશનો અમલ કરવાનો આદેશ આપ્યો છે.
કોર્ટે જણાવ્યું હતું કે અકસ્માતનો ભોગ બનેલા કોઈપણ મુસાફરને ટિકિટ ન હોવાને કારણે વળતર નકારી શકાય નહીં. કોર્ટે જણાવ્યું હતું કે, આવા કિસ્સાઓમાં, સાક્ષીઓના નિવેદનો, અકસ્માતની પરિસ્થિતિઓ અને અન્ય પરિબળો ધ્યાનમાં લેવા જોઈએ.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Credit- Canva /PTI )
