કાનુની સવાલ: બોયફ્રેન્ડના પોતાના નામે ઘર હોય, ગર્લફ્રેન્ડ તેમાં રહેતી હોય તો ઘર પર તેનો કાનુની અધિકાર લાગે કે ના લાગે?
કાનુની સવાલ: ભારતીય કાયદામાં ગર્લફ્રેન્ડ અને બોયફ્રેન્ડના અધિકારો ખાસ કરીને મિલકતના અધિકારો અંગે પરિસ્થિતિ થોડી જટિલ છે. કારણ કે ભારતમાં લિવ-ઇન રિલેશનશિપને અમુક હદ સુધી માન્યતા આપવામાં આવે છે, પરંતુ તેને લગ્ન સમાન ગણવામાં આવતું નથી. મુખ્ય કાનૂની મુદ્દાઓ નીચે મુજબ છે.
વહેંચાયેલ રોકાણો અને ભેટો: જો બંનેએ સાથે મળીને મિલકત ખરીદી હોય અને બંનેના નામ દસ્તાવેજમાં હોય તો બંનેને સમાન અધિકારો છે. જો એક વ્યક્તિ બીજા વ્યક્તિને કોઈ મોંઘી વસ્તુ/મિલકત ભેટ આપે છે, તો તે ભેટ મેળવનારની વ્યક્તિગત મિલકત બની જાય છે.
લિવ-ઇન પાર્ટનરની સુરક્ષા: Protection of Women from Domestic Violence Act, 2005 મુજબ ગર્લફ્રેન્ડને ઘરેલુ હિંસાથી રક્ષણ મળે છે. જો સંબંધ "in the nature of marriage" હોય તો કોર્ટ ભરણપોષણનો આદેશ આપી શકે છે. પરંતુ આ અધિકાર ફક્ત મહિલાઓને જ ઉપલબ્ધ છે. પુરુષોને આવું રક્ષણ મળતું નથી. વારસ: ગર્લફ્રેન્ડ અથવા બોયફ્રેન્ડ એકબીજાની મિલકતના કાયદેસર વારસદાર નથી, જ્યા સુધી કે કોઈ વિલ ન બનાવ્યું હોય અથવા તેમના મેરેજ થયા ન હોય.
છેતરપિંડી, ફ્રોડ અને કાનૂની વિવાદોની શક્યતા: જો મિલકત કે પૈસા અંગે છેતરપિંડી થઈ હોય (દા.ત.: ગર્લફ્રેન્ડે તેને પૈસા માટે લલચાવ્યો હોય) તો બોયફ્રેન્ડ છેતરપિંડી/વિશ્વાસ ભંગનો કેસ દાખલ કરી શકે છે - પરંતુ આ માટે નક્કર પુરાવાની જરૂર પડશે.
જો તમે કોઈ મિલકતમાં રોકાણ કરી રહ્યા છો અથવા તમારી ગર્લફ્રેન્ડ/બોયફ્રેન્ડ સાથે રહી રહ્યા છો તો ભવિષ્યની ગૂંચવણો ટાળવા માટે: શેર કરેલા નામે મિલકત ખરીદો, cohabitation agreement તૈયાર કરો, સ્પષ્ટ વસિયતનામા બનાવો. (Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Symbolic)
