બિગ બોસના રોકસ્ટાર કાઝી તૌકીરનો પરિવાર જુઓ
સલમાન ખાને બિગ બોસના વીકએન્ડ કા વારમાં કહ્યું, ઘરમાં ગમે તેટલા સ્ટાર હોય, સાચો રોકસ્ટાર ફક્ત એક જ છે, અને તે છે કાઝી તૌકીર. ત્યારથી કાઝી તૌકીર ચર્ચામાં આવ્યો છે. તો ચાલો જાણીએ આ કાઝી તૌકીર કોણ છે અને શું કરે છે.
બિગ બોસ 20ના પહેલા વીકએન્ડ કા વારમાં સલમાન ખાને કાઝી તૌકીરના રોકસ્ટાર સ્વૈગના વખાણ કર્યા હતા. તેની સામે અન્ય સ્પર્ધકો નબળા પડ્યા હતા. તો આજે આપણે બિગ બોસ 20ના કાઝી તૌકીરના પરિવાર અને પર્સનલ લાઈફ વિશે જાણીએ.
કાઝી તૌકીર એક ભારતીય સિંગર છે, જેમણે રૂપરેખા બેનર્જી સાથે મળીને 'ફેમ ગુરુકુલ' શો જીત્યો હતો. તેઓ કાશ્મીરી, હિન્દી અને ઉર્દૂ ભાષાઓમાં ગીત ગાય છે.
કાઝી તૌકીરનો પરિવાર જુઓ
20 ઓક્ટોબર 2005ના રોજ તેમણે રૂપરેખા બેનર્જી સાથે મળીને મુખ્ય પુરસ્કાર જીત્યો હતો. 'ફેમ એકેડેમી'ના ભારતીય સંસ્કરણ એવા 'ફેમ ગુરુકુલ'ના વિજેતા તરીકે ભારતીય લોકોએ તેમને મત આપીને પસંદ કર્યો હતો.
ભારતના રાષ્ટ્રપતિએ કાઝી તૌકીરને 'કાશ્મીરના હીરો' તરીકે સંબોધિત કર્યા હતા.કાઝીની સફળતાને પગલે, કાશ્મીર ખીણના શહેર શ્રીનગરમાં યોજાયેલા 'ઇન્ડિયન આઇડલ' (Indian Idol) ના ઓડિશનમાં મોટી સંખ્યામાં કાશ્મીરી યુવાનોએ ભાગ લીધો હતો.
તેમણે 2005ના અંતમાં રૂપરેખા બેનર્જી સાથે મળીને એક નવું આલ્બમ બહાર પાડ્યું હતું. 'ફેમ ગુરુકુલ' પહેલાં કાઝી પાસે કોઈ તાલીમ નહોતી.
તેમની અભિનય ક્ષેત્રે પદાર્પણ કરનારી ફિલ્મ 'ટેક ઓફ' માટે રિહર્સલ કરતી વખતે તેઓ ઈજાગ્રસ્ત થયા હતા. ગણેશ આચાર્ય સ્ટુડિયોમાં રિહર્સલ દરમિયાન કાઝી નીચે પડી ગયા હતા અને તેમની ગરદનમાં ઈજા થઈ હતી.
કાઝીના પિતા વકીલ હતા અને બાદમાં તેઓ સૂફીવાદ તરફ વળ્યા હતા. તેઓ કાશ્મીર, મુંબઈ, દિલ્હી અને દુબઈમાં રહે છે. તેમની માતા શિક્ષિકા હતા અને તેમણે નોકરીમાંથી વહેલી નિવૃત્તિ લીધી હતી
જ્યારે તેમના કાકા કાઝી રફી કાશ્મીરી સિંગર હતા. સૂત્રોના જણાવ્યા અનુસાર, તેમના ભાઈ કાઝી તૌસીફ એક ઉદ્યોગસાહસિક છે અને તેમનો જન્મ તથા ઉછેર મુંબઈમાં થયો છે. જોકે, તેઓ સગા ભાઈ છે કે સાવકા ભાઈ, તેનો કોઈ ઉલ્લેખ નથી.
કાઝી અને અરિજીતની મિત્રતા બે દાયકાથી વધુ જૂની છે. કાઝી બિગ બોસ 20માં પણ અરજીત સિંહના વખાણ કરતા અનેક વખત જોવા મળ્યો છે.
તેઓ 2005માં ફેમ ગુરુકુળમાં યુવાન સ્પર્ધકો તરીકે મળ્યા હતા અને કારકિર્દીના જુદા જુદા માર્ગો અપનાવવા છતાં ગાઢ મિત્રો રહ્યા. તેઓ ઘણીવાર સાથે સમય વિતાવતા જોવા મળતા હતા, જે તેમની મિત્રતાનો પુરાવો છે.
