બિગ બોસની ઓફર ઠૂકરાવી, નરેન્દ્ર મોદીનો બોડીગાર્ડ રહી ચૂકેલા લકી બિષ્ટના પરિવાર વિશે જાણો
નેપાળમાં તખ્તાપલટની સ્થિતિ વચ્ચે ભૂતપૂર્વ ભારતીય RAW એજન્ટ લકી બિષ્ટનો એક જૂનો વીડિયો વાયરલ થઈ રહ્યો છે, જેમાં તે નેપાળ માટે આગાહીઓ કરતો જોવા મળે છે. તો આજે આપણે લકી બિષ્ટના પરિવાર અને પર્સનલ લાઈફ વિશે રસપ્રદ વાતો જાણીશું.
વર્ષ 2003માં 16 વર્ષની ઉંમરે ખુફિયા એજન્સી સાથે જોડાયો હતો.તેમણે ઇઝરાયલમાં જાસૂસી અને કમાન્ડો માટે અઢી વર્ષની તાલીમ લીધી હતી.
લકી બિષ્ટે ગુજરાતના મુખ્યમંત્રી તરીકેના કાર્યકાળ દરમિયાન નરેન્દ્ર મોદી માટે સુરક્ષા અધિકારી તરીકે સેવા આપી હતી. વર્ષ 2022માં લકી બિષ્ટનો હુસૈન ઝૈદી દ્વારા રિસર્ચ એન્ડ એનાલિસિસ વિંગ (RAW) માટે ગુપ્તચર સંસ્થા તરીકેના તેમના જીવન, કારકિર્દી અને અનુભવો વિશે ઇન્ટરવ્યુ લેવામાં આવ્યો હતો.
8 નવેમ્બર 2010ના રોજ બિષ્ટ યુએસ પ્રમુખ બરાક ઓબામાની ભારત મુલાકાત દરમિયાન સુરક્ષા વિભાગનો ભાગ હતો. તેમણે રાષ્ટ્રીય સુરક્ષા ગાર્ડ, ભારતીય સેના, સંશોધન અને વિશ્લેષણ વિંગ, વિશેષ દળો અને આસામ રાઇફલ્સ સહિત વિવિધ સરકારી સુરક્ષા એજન્સીઓ સાથે કામ કર્યું છે, અને અનેક દેશોમાં મિશનનું નેતૃત્વ કર્યું છે.
બિષ્ટે 2019માં લેખક તરીકે ભારતીય ફિલ્મ ઉદ્યોગમાં પ્રવેશ કર્યો. લકી બિષ્ટે એમેઝોન પર રિલીઝ થયેલી વેબ શ્રેણી "સેના: ગાર્ડિયન્સ ઓફ ધ નેશન" માં અભિનયની શરૂઆત કરી છે.
વીકીપીડિયામાં આપેલી માહિતી મુજબ લકી બિષ્ટ એક ભારતીય ભૂતપૂર્વ જાસૂસ, સ્નાઈપર અને નેશનલ સિક્યુરિટી ગાર્ડ કમાન્ડો છે.તેમણે તરુણ ગોગોઈ, એલ. કે. અડવાણી, ચંદ્રબાબુ નાયડુ, રાજનાથ સિંહ અને વડા પ્રધાન નરેન્દ્ર મોદી જેવા રાજકારણીઓના અંગત અંગરક્ષક તરીકે સેવા આપી છે.
તેમના પર હત્યાનો પણ આરોપ હતો, પરંતુ પુરાવાના અભાવે કોર્ટે તેમને નિર્દોષ જાહેર કર્યો હતો. ઉત્તરાખંડના હલ્દવાનીના રહેવાસી લકી બિષ્ટ હવે ફિલ્મ જગત સાથે સંકળાયેલા છે અને સ્ક્રિપ્ટ રાઇટર તરીકે કામ કરી રહ્યો છે.
લકી બિષ્ટે ખુલાસો કર્યો હતો કે, તેમને રિયાલિટી શો 'બિગ બોસ 18' માં ભાગ લેવાની ઓફર કરવામાં આવી હતી, પરંતુ તેમણે તેને ઠુકરાવી દીધી. લકી બિષ્ટે વડાપ્રધાન નરેન્દ્ર મોદીના બોડીગાર્ડ તરીકે કામ કર્યું હતું.
લકી બિષ્ટના પ્રોડક્શન હાઉસ લકી કમાન્ડો ફિલ્મ્સના બેનર હેઠળ અત્યાર સુધીમાં ઘણા પ્રોજેક્ટ્સનું શૂટિંગ થઈ ચૂક્યું છે,
લકી બિષ્ટને 2009માં ભારતના શ્રેષ્ઠ NSG કમાન્ડો માટેનો એવોર્ડ મળ્યો હતો.
