Breaking News: મોંઘવારીનો ડબલ ડોઝ: યુદ્ધના કારણે તમારા ખિસ્સા પર પડશે સીધો માર, AC થી લઈને દૂધ-પાણી બધું જ થશે મોંઘુ!
પશ્ચિમ એશિયામાં વધતા તણાવની અસર હવે ભારતીય રસોડા અને લિવિંગ રૂમ સુધી પહોંચી છે! 1 એપ્રિલથી AC, ફ્રીજ, ટીવી અને મુસાફરી બધું જ મોંઘું થવા જઈ રહ્યું છે. શું તમે આ ભાવ વધારા માટે તૈયાર છો?
Godrej Appliances (AC અને ફ્રીજ): જો તમે આ ઉનાળે નવું AC કે ફ્રીજ લેવાનું વિચારતા હોવ, તો ઉતાવળ રાખજો. ગોદરેજ એપ્લાયન્સીસ આવતા મહિનાથી AC, વોશિંગ મશીન અને રેફ્રિજરેટરમાં 5-10% નો તોતિંગ વધારો કરવા જઈ રહી છે.
Bisleri (પીવાનું પાણી): તરસ છિપાવવી પણ હવે મોંઘી પડશે. જાણીતી કંપની બિસલેરીએ તેની બોટલબંધ પાણીની કિંમતોમાં 11% સુધીનો વધારો ઝીંકી દીધો છે, જેની સીધી અસર સામાન્ય માણસ પર પડશે.
Television (TV સેટ): મનોરંજનના સાધનો પણ મોંઘા થયા છે. ચિપ્સની અછત અને યુદ્ધના કારણે ટીવીના મેન્યુફેક્ચરિંગમાં વપરાતા કાચા માલના ભાવ વધતા, ટીવી સેટની કિંમતોમાં 1-2% નો વધારાનો બોજ આવશે.
Home Interior (ઘરનું ફર્નિચર): નવું ઘર સજાવવાનું સપનું હવે મોંઘું સાબિત થશે. DesignCafe જેવી કંપનીઓ પ્લાયવુડ અને હાર્ડવેરના ભાવ વધવાને કારણે નવા ગ્રાહકો માટે 10-15% ભાવ વધારો 1 એપ્રિલથી અમલી બનાવશે.
Airlines (હવાઈ મુસાફરી): આકાશમાં ઉડવું હવે વધુ ખર્ચાળ બનશે. એર ઈન્ડિયા અને ઈન્ડિગો જેવી એરલાઈન્સે ફ્યુઅલ સરચાર્જ વસૂલવાનું શરૂ કર્યું છે, જેનાથી ફ્લાઈટની ટિકિટોના ભાવમાં મોટો ઉછાળો જોવા મળશે.
Laundry Services (કપડાં ધોવાનો ખર્ચ): રોજિંદી સેવાઓ પણ બાકાત નથી. ગેસ અને વીજળીના ભાવ વધતા લોન્ડ્રી ફર્મ્સ (Perfecto Cleaners વગેરે) એ સર્વિસ ચાર્જ વધારવાનું શરૂ કર્યું છે, જેનાથી કપડાં પ્રેસ અને ડ્રાયક્લીન કરાવવું મોંઘું થશે.
FMCG Products (રોજિંદી વસ્તુઓ): બ્રિટાનિયા અને રસના જેવી કંપનીઓએ સંકેત આપ્યા છે કે પ્લાસ્ટિક અને પેકેજિંગ મટીરિયલ મોંઘું થતા તેઓ ટૂંક સમયમાં બિસ્કિટ અને સોફ્ટ ડ્રિંક્સની MRP માં વધારો કરી શકે છે.
Restaurants & Dining (બહાર જમવું): જો તમે વીકેન્ડ પર બહાર જમવાના શોખીન હોવ તો ખિસ્સું વધુ ઢીલું કરવું પડશે. યુદ્ધના કારણે સપ્લાય ચેઈન ખોરવાતા રેસ્ટોરન્ટના મેનૂ ભાવમાં વધારો થવાની પૂરી શક્યતા છે.
Published On - 11:38 am, Sat, 21 March 26
