India Pakistan War: INS વિક્રાંત, આકાશ, S400, શિલ્કા, L70… આ રાતના સુપર હીરો રહ્યા, તેમણે પાકિસ્તાનને ઘૂંટણિયે પાડી દીધું
India Pakistan War: પાકિસ્તાને નિયંત્રણ રેખા અને આંતરરાષ્ટ્રીય સરહદો પર અનેક સ્થળોએ ડ્રોન મોકલવાનો પ્રયાસ કર્યો ત્યારે ઉધમપુર, સાંબા, જમ્મુ, અખનૂર, નાગરોટા અને પઠાણકોટ સેક્ટરમાં ભારતીય સેનાના હવાઈ સંરક્ષણ એકમો દ્વારા કરવામાં આવેલા મોટા કાઉન્ટર-ડ્રોન ઓપરેશન દરમિયાન 50 થી વધુ ડ્રોનનો નાશ કરવામાં આવ્યો.
ભારતે ડ્રોન વિરોધી અને ઓછી ઊંચાઈવાળી હવાઈ સંરક્ષણ પ્રણાલીઓની સંપૂર્ણ શ્રેણી તૈનાત કરી છે. જેમાં S-400, L-70 એન્ટી એરક્રાફ્ટ ગન અને સોવિયેત મૂળના ZSU-23-4 શિલ્કા યુનિટનો સમાવેશ થાય છે. આ ઉપરાંત અન્ય અદ્યતન કાઉન્ટર-યુએએસ સાધનોનો ઉપયોગ મોટા પાયે કરવામાં આવ્યો હતો, જે હવાઈ જોખમોનો સામનો કરવાની સેનાની મજબૂત ક્ષમતા દર્શાવે છે.
S400: ભારત-પાકિસ્તાન સરહદ પર S-400 એ પાકિસ્તાનના ઇરાદાઓને નિષ્ફળ બનાવ્યા છે. ગુરુવારે પાકિસ્તાને જમ્મુમાં એરસ્ટ્રીપ પર રોકેટ છોડ્યા હતા. જો કે ભારતીય સેનાની સતર્કતા અને તેની શક્તિશાળી હવાઈ સંરક્ષણ પ્રણાલીએ આ હુમલાને સંપૂર્ણપણે નિષ્ફળ બનાવ્યો. ભારતીય સેનાની આધુનિક S-400 મિસાઇલ ડિફેન્સ સિસ્ટમે તાત્કાલિક કાર્યવાહી કરી અને પાકિસ્તાન દ્વારા છોડવામાં આવેલી 8 મિસાઇલોને હવામાં જ નષ્ટ કરી દીધી. સેનાના સૂત્રોના જણાવ્યા અનુસાર આ મિસાઇલોનું લક્ષ્ય જમ્મુ એરસ્ટ્રિપ હતું, પરંતુ સમયસર જવાબી કાર્યવાહીને કારણે મોટું નુકસાન ટળી ગયું.
INS વિક્રાંત: ભારતના INS વિક્રાંતે સમુદ્રમાં પોતાની તાકાત બતાવી. પહેલગામ આતંકવાદી હુમલા બાદ પાકિસ્તાન સાથે વધી રહેલા તણાવ વચ્ચે ભારતીય નૌકાદળે અરબી સમુદ્રમાં INS વિક્રાંત તૈનાત કરી દીધું છે. આ નૌકાદળના સ્ટ્રાઈક જહાજને કારવાર કિનારા નજીક તૈનાત કરવામાં આવ્યું હતું. તેના સ્ટ્રાઈક ગ્રુપમાં એરક્રાફ્ટ કેરિયર, ડિસ્ટ્રોયર, ફ્રિગેટ્સ, એન્ટી-સબમરીન યુદ્ધ જહાજો અને અન્ય સપોર્ટ જહાજોનો સમાવેશ થાય છે. ઉદાહરણ તરીકે ભારતની ત્રણેય સેનાઓએ સાથે મળીને પહેલા પાકિસ્તાનમાં આતંકવાદી ઠેકાણાઓનો નાશ કર્યો અને ત્યારબાદ એવું લાગે છે કે પાકિસ્તાને યુદ્ધનો નિર્ણય લીધો છે. જેનો સેનાઓ યોગ્ય જવાબ આપી રહી છે.
