દેશની મોટી બેંકોએ ફિક્સ્ડ ડિપોઝિટ પર વ્યાજ દર વધારવાનું શરૂ કર્યું છે. જો તમે FD પર રોકાણ કરવા માંગો છો, તો જુદી-જુદી બેંકના વ્યાજ દરોની તુલના પણ કરવી જોઈએ. બેંકો દ્વારા ઓફર કરવામાં આવતો મિનિમમ વ્યાજ દર 3 થી 4.25 ટકા છે, જ્યારે મહત્તમ વ્યાજ દર 7 થી 7.25 ટકાની વચ્ચે છે.
HDFC બેંક દર વર્ષે 3 થી 7.25 ટકા સુધીનું વ્યાજ ઓફર કરે છે. 18 થી 21 મહિનાની વચ્ચે FD પર 7.25 ટકા વ્યાજ આપી રહી છે. બેંક 2 વર્ષ, 11 મહિના અને 35 મહિનાની વચ્ચેની FD પર 7.15 ટકા રિટર્ન આપી રહી છે. 4 વર્ષ 7 મહિનાથી 55 મહિનાની વચ્ચેની FD પર 7.20 ટકા વ્યાજ, જ્યારે 1 વર્ષ અને 15 મહિના વચ્ચેની FD પર વ્યાજ દર 6.6 ટકા વ્યાજ આપે છે.
ICICI બેંક 3 થી 7.2 ટકા વચ્ચે ફિક્સ્ડ ડિપોઝિટ પર વ્યાજ આપી રહી છે. 15 મહિનાથી 2 વર્ષની FD પર મહત્તમ 7.20 ટકા વ્યાજ આપે છે. 2 વર્ષથી 5 વર્ષની વચ્ચેની FD પર 7 ટકા અને 1 વર્ષથી 15 મહિનાની FD પર 6.7 ટકા વ્યાજ આપી રહી છે.
બેંક ઓફ બરોડા ફિક્સ્ડ ડિપોઝિટ પર મિનિમમ 4.25 ટકા અને મહત્તમ 7.25 ટકા વ્યાજ આપે છે. બેંક 2 થી 3 વર્ષની FD પર મહત્તમ 7.25 ટકા વ્યાજ ઓફર કરે છે. 399 દિવસની FD પર 7.15 ટકા વ્યાજ આપી રહી છે. બેંક 360 દિવસની FD પર 7.10 ટકા અને 1 થી 2 વર્ષની FD પર 6.85 ટકા વ્યાજ આપે છે.
SBI બેંક મિનિમમ 3.5 ટકા અને મહત્તમ 7 ટકા વ્યાજ આપી રહી છે. બેંક વરિષ્ઠ નાગરિકોને 0.50 ટકા વધારાનું વ્યાજ આપી રહી છે. 2 વર્ષથી 3 વર્ષની વચ્ચેની ફિક્સ્ડ ડિપોઝિટ પર મહત્તમ 7 ટકા વ્યાજ આપે છે. બેંક 3 થી 5 વર્ષની FD પર 6.75 ટકા વ્યાજ આપે છે. 5 થી 10 વર્ષની FD પર 6.5 ટકા વ્યાજ આપી રહી છે, જ્યારે 1 થી 2 વર્ષ વચ્ચેની ફિક્સ્ડ ડિપોઝિટ પર વાર્ષિક 6.8 ટકા વ્યાજ આપે છે.
કોટક મહિન્દ્રા બેંક FD પર મિનિમમ 4 ટકા અને મહત્તમ 7.25 ટકા વ્યાજ આપી રહી છે. બેંક 365 દિવસથી 2 વર્ષ સુધીની ફિક્સ્ડ ડિપોઝિટ પર મહત્તમ 7.25 ટકા વ્યાજ આપી રહી છે. 180 દિવસની FD પર 7 ટકા વ્યાજ આપે છે. આ ઉપરાંત 2 થી 3 વર્ષની વચ્ચે ફિક્સ્ડ ડિપોઝિટ પર 7 ટકા વ્યાજ આપી રહી છે. 3 થી 4 વર્ષની વચ્ચે FD પર 6.5 ટકા વ્યાજ ઓફર કરી રહી છે અને 4 થી 7 વર્ષની ફિક્સ્ડ ડિપોઝિટ પર 6.25 ટકા વ્યાજ આપી રહી છે.