સોલારનો શાનદાર વિકલ્પ: આ નાનકડું Wind Turbine છત પર લગાવો, દિવસ-રાત મેળવો ફ્રી વિજળી
જો તમે તમારા ઘરમાં વીજળી ઉત્પન્ન કરવા માટે સોલાર પેનલ(Solar Energy) લગાવવાનું વિચારી રહ્યા હતા, તો હવે તમારી પાસે વધુ સારો વિકલ્પ છે. ડચ કંપની આર્કિમિડીઝે હાલમાં જ Liam F1 નામની સાયલન્ટ વિન્ડ ટર્બાઇન લોન્ચ કરી છે. આ નવી ટેક્નોલોજી શહેરી વિસ્તારોમાં વીજળી ઉત્પન્ન કરવાની એક શ્રેષ્ઠ રીત છે અને તે સોલાર પેનલ કરતાં વધુ કાર્યક્ષમ સાબિત થઈ શકે છે.
જો તમે તમારા ઘરમાં વીજળી ઉત્પન્ન કરવા માટે સોલાર પેનલ લગાવવાનું વિચારી રહ્યા હતા, તો હવે તમારી પાસે વધુ સારો વિકલ્પ છે. ડચ કંપની આર્કિમિડીઝે હાલમાં જ Liam F1 નામની સાયલન્ટ વિન્ડ ટર્બાઇન લોન્ચ કરી છે. આ નવી ટેક્નોલોજી શહેરી વિસ્તારોમાં વીજળી ઉત્પન્ન કરવાની એક શ્રેષ્ઠ રીત છે અને તે સોલાર પેનલ કરતાં વધુ કાર્યક્ષમ સાબિત થઈ શકે છે. આ વિન્ડ ટર્બાઇનની વિશેષતા એ છે કે તે નાની જગ્યામાં ફિટ થઈ શકે છે અને ખૂબ જ ઓછો અવાજ કરે છે, જેથી તેને તમારા બગીચામાં કે ટેરેસ કે ફ્લેટની બાલ્કનીમાં સ્થાપિત કરી શકાય છે.
Liam F1 વિન્ડ ટર્બાઇન: સૌર ઊર્જાનો નવો વિકલ્પ-Liam F1 વિન્ડ ટર્બાઇન એવી રીતે ડિઝાઇન કરવામાં આવી છે કે તે કોઈપણ દિશામાંથી પવનને પકડી શકે છે. તેની ખાસ ડિઝાઇન દરિયાઈ શંખ જેવી છે, જે તેને વધુ અસરકારક બનાવે છે. તેને સેટ કરવા માટે કોઈ વધારાની ટેક્નોલોજીની જરૂર નથી, તે આપમેળે યોગ્ય દિશામાં સેટ થઈ જાય છે.
શું છે ફિચર ?- Liam F1 બે કદમાં આવે છે - મોટા અને નાના. મોટા મોડલની શક્તિ 550 વોટ છે અને નાના મોડેલની શક્તિ 100 વોટ છે. ખાસ વાત એ છે કે આ વિન્ડ ટર્બાઇન પક્ષીઓ અને ચામાચીડિયા માટે એકદમ સલામત છે કારણ કે તે બહુ ઓછો અવાજ કરે છે (45 dB થી ઓછો). તેનો અવાજ એટલો ઓછો છે કે તેને શહેરોના રહેણાંક વિસ્તારોમાં પણ લગાવી શકાય છે.
શા માટે સૌર પેનલ કરતાં વધુ સારી?-સજ્યાં સૌર પેનલને સીધો સૂર્યપ્રકાશની જરૂર હોય છે, ત્યાં લિઆમ F1 વિન્ડ ટર્બાઇનને માત્ર પવનની જરૂર હોય છે, પછી ભલે તે ગમે તે દિશામાંથી આવે. આ ટેક્નોલોજી માત્ર વીજળી ઉત્પન્ન કરવામાં વધુ અસરકારક નથી, પરંતુ તેને ઓછી જાળવણીની પણ જરૂર છે.
આર્કિમિડીઝની ભાવિ યોજનાઓ- Liam F1 વિન્ડ ટર્બાઇન પછી, આર્કિમિડીઝ કંપની દરિયાઇ જહાજો માટે નાની વિન્ડ ટર્બાઇન ડિઝાઇન કરવાની પણ યોજના ધરાવે છે. આ ઉપરાંત, કંપની સૌર અને પવન ઊર્જાને જોડીને નવી સિસ્ટમ બનાવવા પર પણ કામ કરી રહી છે, જે શહેરો અને ગામડાઓ બંનેની ઊર્જા જરૂરિયાતોને પૂરી કરશે.
Published On - 12:58 pm, Mon, 9 September 24