12 સુધી અભ્યાસ કર્યો, 30 રુપિયાએ જિંદગી બદલી, મુંબઈના સ્વિંગ સુલતાનનો જુઓ પરિવાર
30 રૂપિયાએ અશ્વિની કુમારનું જીવન બદલી નાખ્યું, હવે તેણે 4 વિકેટ લીધી અને મુંબઈ ઈન્ડિયન્સને મેચ જીતવામાં મદદ કરી હતી. ગુજરાત સામેની મેચમાં મુંબઈ ઈન્ડિયન્સની જીતનો હીરો પણ અશ્વિની કુમાર રહ્યો હતો.
IPL 2026 ની 30મી મેચમાં, મુંબઈ ઈન્ડિયન્સે ગુજરાત ટાઇટન્સને 99 રનથી હરાવ્યું. તિલક વર્માએ સદી ફટકારી અને અશ્વની કુમારે ચાર વિકેટ લઈને ગુજરાતને હરાવ્યું હતુ.
અશ્વિની કુમારે માત્ર 18 બોલમાં શુભમન ગિલ, શાહરૂખ ખાન, રાહુલ તેવતિયા અને રાશિદ ખાનની વિકેટ લઈને ગુજરાતને ઘુંટણિયે પાડ્યું હતુ.
અશ્વિની કુમારનો પરિવાર અને પર્સનલ લાઈફ વિશે જાણો
અશ્વની કુમારનો જન્મ 29 ઓગસ્ટ 2001 રોજ થયો છે. તે એક ભારતીય ક્રિકેટર છે જે સ્થાનિક ક્રિકેટમાં પંજાબ અને ઇન્ડિયન પ્રીમિયર લીગમાં મુંબઈ ઇન્ડિયન્સ માટે રમે છે.
તેમણે 9 ડિસેમ્બર 2019 ના રોજ 2019-20 રણજી ટ્રોફીમાં પંજાબ માટે ફર્સ્ટ-ક્લાસ ડેબ્યૂ કર્યું હતુ. તેમણે 8 ડિસેમ્બર 2021 ના રોજ 2021-22 વિજય હજારે ટ્રોફીમાં પંજાબ માટે લિસ્ટ A ડેબ્યૂ કર્યું હતુ.
અશ્વનીને IPL 2025 મેગા ઓક્શનમાં મુંબઈ ઇન્ડિયન્સ માટે 30 લાખમાં સાઇન કરવામાં આવ્યો હતો. અશ્વિની કુમારનો પરિવાર અને પર્સનલ લાઈફ વિશે જાણો
30 માર્ચ 2025ના રોજ, કુમારે કોલકાતા નાઈટ રાઇડર્સ સામેની મેચમાં મુંબઈ ઇન્ડિયન્સ માટે IPL ડેબ્યૂ કર્યું હતુ. IPLમાં પોતાનો પહેલો બોલ ફેંકતા, તેમણે કોલકાતા નાઈટ રાઇડર્સના કેપ્ટન અજિંક્ય રહાણેની વિકેટ મેળવી હતી,
તેમને બેકવર્ડ પોઈન્ટ પર કેચ કરાવ્યો. તેમણે રિંકુ સિંહ, મનીષ પાંડે અને આન્દ્રે રસેલની કિંમતી વિકેટો પણ લીધી હતી. જેનાથી KKR ને 116 રનમાં ઓલઆઉટ કરવામાં મદદ મળી, અને ત્યારબાદ તેને શાનદાર પ્રદર્શન માટે પ્લેયર ઓફ ધ મેચનો એવોર્ડ આપવામાં આવ્યો હતો.
અશ્વની કુમાર પંજાબનો રહેવાસી છે અને મોહાલીના પીસીએ સ્ટેડિયમમાં ફાસ્ટ બોલિંગની કળા શીખ્યો હતો. અશ્વની કુમાર પ્રેક્ટિસ કરવા માટે 11 કિલોમીટર સાયકલ ચલાવતો હતો.
તે 30 રૂપિયા પ્રતિ દિવસના ભાડામાં શેર કરેલી ઓટોરિક્ષામાં મુસાફરી કરતો હતો. આ 30 રૂપિયાના બળ પર જ તેણે આઈપીએલમાં પોતાનું નામ બનાવ્યું છે.
આ ખેલાડીએ ક્રિકેટર બનવા માટે પોતાનો અભ્યાસ પણ છોડી દીધો હતો. તેણે ફક્ત 12મા ધોરણ સુધી જ અભ્યાસ કર્યો હતો,
પરંતુ તેણે એક ઉત્તમ ક્રિકેટર બનીને સફળતા મેળવી છે. અશ્વની કુમારની કારકિર્દીની વાત કરીએ તો, તેણે પંજાબ માટે ફક્ત બે ફર્સ્ટ-ક્લાસ મેચ અને ચાર લિસ્ટ એ મેચ રમી છે. ટી20માં તેણે 20 મેચમાં 21 વિકેટ લીધી છે. (all photo : PTI)
