IND vs PAK: પાકિસ્તાન સામે મેદાનમાં ઉતરતા જ ભારતીય કેપ્ટન રચશે ઈતિહાસ, આવું કરનાર પ્રથમ ક્રિકેટર બનશે
મહિલા T20 એશિયા કપ 2026માં ભારત અને પાકિસ્તાન વચ્ચેની હાઈવોલ્ટેજ ટક્કર હરમનપ્રીત કૌર માટે પણ ખાસ બનવાની છે. પાકિસ્તાન સામે મેદાનમાં ઉતરતા જ ભારતીય કેપ્ટન ઈતિહાસ રચશે. હરમનપ્રીત કૌર એવો વિશ્વ રેકોર્ડ પોતાના નામે કરશે, જે આજ સુધી કોઈ પણ પુરુષ કે મહિલા ક્રિકેટર બનાવી શક્યો નથી.
મહિલા T20 એશિયા કપ 2026 માં ભારતનો સામનો કટ્ટર હરીફ પાકિસ્તાન સામે છે. આ મહા મુકાબલો શરૂ થતાં જ એક વિશ્વ રેકોર્ડ બનશે. ભારતીય ટીમની કેપ્ટન હરમનપ્રીત કૌર પાકિસ્તાન સામે મેદાનમાં ઉતરતા જ ઇતિહાસ રચશે.
હરમનપ્રીત કૌર પાકિસ્તાન સામે પોતાની 17મી T20 મેચ રમશે. આ તેની 205મી T20 મેચ હશે, પરંતુ કેપ્ટન તરીકે આ તેની 150મી T20 મેચ હશે, જે એક વિશ્વ રેકોર્ડ છે.
જ્યારે હરમનપ્રીત 2026માં મહિલા T20 એશિયા કપમાં પાકિસ્તાન સામે મેદાનમાં ઉતરશે, ત્યારે તે 150 T20 આંતરરાષ્ટ્રીય મેચોમાં ટીમની કેપ્ટનશીપ કરનારી વિશ્વની પ્રથમ ખેલાડી બનશે. અન્ય કોઈ પુરુષ કે મહિલા ક્રિકેટર આટલી બધી મેચોમાં ટીમની કેપ્ટનશીપ કરી શક્યા નથી.
હરમનપ્રીત કૌરે અગાઉ 149 T20 મેચોમાં ભારતનું નેતૃત્વ કર્યું છે, જેમાંથી 86 મેચમાં જીત અને 57 માં હાર થઈ છે. એક મેચ ટાઈ રહી હતી અને પાંચ મેચ અનિર્ણિત રહી હતી. કેપ્ટન તરીકે હરમનપ્રીત કૌરની જીતની ટકાવારી 60.06 છે.
હરમનપ્રીત કૌરે પાકિસ્તાન સામે 11 T20 આંતરરાષ્ટ્રીય મેચોમાં ભારતીય ટીમનું નેતૃત્વ કર્યું છે, જેમાંથી 10 મેચમાં ટીમ ઈન્ડિયાએ જીત મેળવી છે અને 1 મેચમાં હારનો સામનો કરવો પડ્યો છે. (PC: Getty)
