વિરાટ કોહલીની નજર સદીઓના મહા રેકોર્ડ પર, સચિન તેંડુલકર પણ નથી મેળવી શક્યો આ સિદ્ધિ
ભારતીય ક્રિકેટ ટીમના દિગ્ગજ બેટ્સમેન વિરાટ કોહલી સદીનો મહાન રેકોર્ડ પોતાના નામે કરવાથી માત્ર એક ડગલું દૂર છે. તેની નજર એક એવા રેકોર્ડ પર છે જે ક્રિકેટની દુનિયામાં અત્યાર સુધી કોઈ બેટ્સમેન બનાવી શક્યો નથી. ક્રિકેટના ભગવાન સચિન તેંડુલકર પણ આ સિદ્ધિ મેળવી શક્યા નથી.
વિરાટ કોહલીએ 2008માં પોતાની ODI કારકિર્દીની શરૂઆત કરી હતી. કોહલીએ 2010માં સદીઓ ફટકારવાનું શરૂ કર્યું હતું અને ત્યારથી તે ઘણી વખત આ સીમાચિહ્ન સુધી પહોંચ્યો છે. વિરાટે આ ફોર્મેટમાં સતત રન બનાવ્યા છે, જે તેને વિશ્વ ક્રિકેટના શ્રેષ્ઠ બેટ્સમેનોમાંનો એક બનાવે છે. વનડે ક્રિકેટમાં વિરાટ કોહલીનો સદી ફટકારવાનો સિલસિલો ચાલુ જ છે.
વિરાટ કોહલીએ પાકિસ્તાન સામે 111 બોલમાં અણનમ 100 રનની શાનદાર ઈનિંગ રમી હતી. આ દરમિયાન તેણે 7 ચોગ્ગા ફટકાર્યા. તમને જણાવી દઈએ કે, વિરાટ કોહલીએ પહેલી વાર 2009માં ચેમ્પિયન્સ ટ્રોફી રમી હતી. પરંતુ આ ટુર્નામેન્ટમાં વિરાટે પહેલી વાર સદી ફટકારી હતી. આ તેની આંતરરાષ્ટ્રીય ક્રિકેટમાં 82મી સદી હતી. આંતરરાષ્ટ્રીય ક્રિકેટમાં સૌથી વધુ સદી ફટકારવાના મામલે તે બીજા ક્રમે છે. સચિન તેંડુલકર 100 સદી સાથે સૌથી આગળ છે. (All Photo Credit : PTI / GETTY)
