વિરાટ કોહલીએ કહ્યું ‘દરેક જગ્યાએ છે ધોની’, માહીનો ફોટો કર્યો પોસ્ટ, જાણો કેમ
વિરાટ કોહલી અને મહેન્દ્ર સિંહ ધોની વચ્ચે જબરદસ્ત બોન્ડિંગ છે. વિરાટ કોહલીની કારકિર્દીને નવી ઉડાન આપવામાં ધોનીની ભૂમિકા રહી છે. વિરાટ કોહલી હાલમાં ઉત્તરાખંડમાં છે અને તે T20 વર્લ્ડ કપ બાદ પરિવાર સાથે આરામ કરી રહ્યો છે. કદાચ તેમને ધોનીની તસવીરવાળી બોટલ મળી આવી.
MS Dhoni and Virat KohliImage Credit source: File Image
Follow Us:
વિરાટ કોહલી અને એમએસ ધોનીની મિત્રતા કોઈનાથી છુપી નથી. દરેક વ્યક્તિ જાણે છે કે બંને એકબીજાને કેટલું માન આપે છે. મુશ્કેલ સમયમાં બંનેએ એકબીજાને સાથ આપ્યો છે. આ જ કારણ છે કે તેમની મિત્રતાના સમાચાર અવારનવાર સોશિયલ મીડિયા પર ટ્રેન્ડ કરતા રહે છે. (PC-AFP)
વિરાટ કોહલીએ ફરી એકવાર ધોની વિશે એક પોસ્ટ કરી છે જે દરેક જગ્યાએ વાયરલ થઈ રહી છે. સોમવારે વિરાટે તેની ઈન્સ્ટાગ્રામ સ્ટોરી પર વોટર બોલ પોસ્ટ કર્યો હતો. રસપ્રદ વાત એ છે કે પાણીની બોટલમાં ધોનીનો ફોટો હતો. (PC-AFP)
ધોનીના ફોટો સાથે બોટલની તસવીર પોસ્ટ કરતા વિરાટ કોહલીએ લખ્યું, ‘તે દરેક જગ્યાએ છે. પાણીની બોટલ પર પણ. વિરાટ કોહલી હાલમાં ઉત્તરાખંડમાં છે અને તે T20 વર્લ્ડ કપ બાદ પરિવાર સાથે આરામ કરી રહ્યો છે. કદાચ તેમને ધોનીની તસવીરવાળી બોટલ મળી આવી. (PC-વિરાટ ઇન્સ્ટાગ્રામ સ્ટોરી)
તમને જણાવી દઈએ કે વિરાટ કોહલીના કરિયરમાં ધોનીનું ઘણું યોગદાન છે. વિરાટ કોહલીએ તાજેતરમાં જ ખુલાસો કર્યો હતો કે મુશ્કેલ દિવસોમાં તેને માત્ર ધોનીનો ફોન આવ્યો હતો. સુકાની પદ છોડ્યા બાદ ધોનીએ જ તેની સાથે વાત કરી હતી. (PC-AFP)
વિરાટ કોહલીની વાત કરીએ તો આ ખેલાડીએ T20 વર્લ્ડ કપ 2022માં સૌથી વધુ 296 રન બનાવ્યા હતા. જો કે, ટીમ ઈન્ડિયા T20 વર્લ્ડ કપની સેમીફાઈનલમાં હારી ગઈ હતી અને ફરી એકવાર ટાઈટલ જીતી શકી ન હતી. (PC-PTI)