Virat Kohli Retirement : ટેસ્ટ ક્રિકેટમાંથી નિવૃત્તિ લીધા પછી વિરાટ કોહલીને આટલા કરોડ રૂપિયાનું થયું નુકસાન
ભારતીય ક્રિકેટ દિગ્ગજ વિરાટ કોહલીએ T20 પછી ટેસ્ટ ફોર્મેટને અલવિદા કહ્યું. તેણે સોશિયલ મીડિયા પર એક પોસ્ટ શેર કરીને તેના ચાહકોને આ વિશે માહિતી આપી હતી. ટેસ્ટ ક્રિકેટમાંથી નિવૃત્તિ લીધા પછી વિરાટ કોહલીને મોટું નુકસાન થયું છે.
આ વર્ષે ટીમ ઈન્ડિયાએ કુલ 9 વધુ ટેસ્ટ મેચ રમવાની છે. BCCI તેના ખેલાડીઓને એક ટેસ્ટમાં મેચ ફી તરીકે 15 લાખ રૂપિયા આપે છે. જો વિરાટે આ વર્ષે ટેસ્ટ ક્રિકેટમાંથી નિવૃત્તિ ન લીધી હોત, તો તે ચાલુ વર્ષે ટેસ્ટ ફોર્મેટમાંથી 1 કરોડ 35 લાખ રૂપિયા કમાઈ શક્યો હોત.
વિરાટ કોહલીની આ 14 વર્ષની લાંબી ટેસ્ટ કારકિર્દી ભારતીય ક્રિકેટમાં હંમેશા યાદ રહેશે. માત્ર ખેલાડી તરીકે જ નહીં, પણ કેપ્ટન તરીકે પણ તેણે દેશ માટે ઘણું સારું પ્રદર્શન કર્યું છે.
તેણે ટીમ ઈન્ડિયા માટે કુલ 123 ટેસ્ટ મેચ રમી, જેમાં 46.85 ની સરેરાશથી 9230 રન બનાવ્યા. આ દરમિયાન, વિરાટે 31 અડધી સદી અને 30 સદી પણ ફટકારી.
આ ઉપરાંત, કોહલીએ 68 ટેસ્ટ મેચોમાં ટીમ ઈન્ડિયાનું નેતૃત્વ કર્યું અને 40 મેચોમાં ટીમને જીત અપાવી. તેમની કેપ્ટનશીપ હેઠળ, ભારતીય ટીમ ફક્ત 17 ટેસ્ટ મેચ હારી અને 11 ડ્રો રહી. (All Photo Credit : PTI)
