Ishan Kishan in RBI: ઈશાન કિશનને RBIમાં કેટલો પગાર મળે છે? જાણો કયા પદ પર કરે છે નોકરી?
ભારતીય વિકેટકીપર-બેટ્સમેન ઈશાન કિશનના પટણા સ્થિત RBI ઓફિસના ફોટા સોશિયલ મીડિયા પર વાયરલ થયા છે. ઘણા લોકોના મનમાં સવાલ ઉઠ્યો કે ઈશાન RBIમાં શું કામ કરે છે, કયા પદ પર છે અને તેને કેટલો પગાર મળે છે. ચાલો જાણીએ.
ટીમ ઈન્ડિયા હાલમાં ટેસ્ટ શ્રેણી માટે શ્રીલંકાના પ્રવાસે છે. ટેસ્ટ ટીમનો ભાગ ન હોવાથી અને ઘરેલુ ક્રિકેટમાં બ્રેક હોવાથી, ભારતના વિસ્ફોટક વિકેટકીપર-બેટ્સમેન ઈશાન કિશનને થોડો નવરાશનો સમય મળ્યો. તેણે ક્રિકેટમાંથી આ નવરાશનો લાભ ઉઠાવીને પોતાની સરકારી નોકરી માટે સમય ફાળવ્યો. ઈશાન કિશને પટનામાં RBI ઓફિસની મુલાકાત લીધી, જ્યાં તે એક કર્મચારી છે.
ઈશાન કિશન પટનામાં RBI ઓફિસમાં પોતાનું આઈડી કાર્ડ પહેરીને પહોંચ્યો હતો. તેના આગમન પર સ્ટાફના સભ્યો તેને મળવા અને તેની સાથે ફોટા પડાવવા પહોંચ્યા હતા. ભારતીય વિકેટકીપર-બેટ્સમેને તેમને નિરાશ ન કર્યા અને તેમની સાથે ફોટા પડાવ્યા. RBI ઓફિસમાં ઈશાનના આગમનના ફોટા સોશિયલ મીડિયા પર વાયરલ થયા છે.
હવે સવાલ એ છે કે, ઈશાન કિશન RBIમાં કયા પદ પર છે અને તેને આ નોકરી કેવી રીતે મળી? ઈશાન કિશન ભારતીય રિઝર્વ બેંકમાં આસિસ્ટન્ટ મેનેજર તરીકે કામ કરે છે. તે A ગ્રેડનો કર્મચારી છે. તેને આ નોકરી સ્પોર્ટ્સ ક્વોટા હેઠળ મળી છે.
રિઝર્વ બેંક ઓફ ઈન્ડિયામાં આસિસ્ટન્ટ મેનેજર તરીકે ઈશાન કિશનને કેટલો પગાર મળે છે? RBI પટનામાં આસિસ્ટન્ટ મેનેજર તરીકે પોસ્ટ કરાયેલા ઈશાન કિશનનો માસિક પગાર 1 લાખ રૂપિયાથી લઈને 1.4 લાખ રૂપિયા સુધીનો હોઈ શકે છે.
ઈશાન કિશન 23 ઓગસ્ટથી શરૂ થનારી દુલીપ ટ્રોફીમાં રમતો જોવા મળશે, જ્યાં તે ઈસ્ટ ઝોનની કપ્તાની કરશે. (PC: PTI/X)
