IPLમાંથી 52 કરોડ કમાયા, KKRને ચેમ્પિયન બનાવ્યું, જાણો પિયુષ ચાવલાની કુલ સંપત્તિ કેટલી છે
ટીમ ઈન્ડિયાના સ્પિનર પીયૂષ ચાવલાએ ક્રિકેટમાંથી નિવૃત્તિ લઈ લીધી છે. બે વર્લ્ડ કપ ટાઈટલ જીતનારી ટીમનો ભાગ રહેલા પીયૂષ ચાવલાએ IPLમાં પણ ખૂબ ધૂમ મચાવી છે. તે 2008 થી 2024 સુધી IPLમાં રમી ચૂક્યો છે, જે દરમિયાન તેણે ચાર ટીમો વતી ભાગ લીધો છે. જાણો તેની નેટવર્થ કેટલી છે.
ભારતીય ટીમનો લેગ સ્પિનર પીયૂષ ચાવલા IPLમાં ચાર ટીમો માટે રમી ચૂક્યો છે. તેણે સૌપ્રથમ IPLમાં કિંગ્સ 11 પંજાબ સાથે ડેબ્યૂ કર્યું હતું. ત્યારબાદ તે કોલકાતા નાઈટ રાઈડર્સ, ચેન્નાઈ સુપર કિંગ્સ અને મુંબઈ ઈન્ડિયન્સ માટે રમ્યો હતો.
2014માં પિયુષ ચાવલાએ કોલકાતા નાઈટ રાઈડર્સ માટે રમવાનું શરૂ કર્યું. આ સિઝનમાં KKR ચેમ્પિયન બન્યું. પીયુષે આ સિઝનમાં 11 મેચમાં કુલ 14 વિકેટ લીધી.
પીયૂષ ચાવલા છેલ્લે ગયા વર્ષે મુંબઈ ઈન્ડિયન્સ માટે રમ્યો હતો. આ વખતે તેને કોઈ પણ ટીમમાં સ્થાન મળ્યું નથી. તેણે 192 મેચોમાં 7.96ની ઈકોનોમીથી 192 વિકેટ લીધી છે.
ટીમ ઈન્ડિયાના ભૂતપૂર્વ લેગ સ્પિનરે IPLમાંથી કુલ 52 કરોડ 27 લાખ રૂપિયાની કમાણી કરી છે. હાલમાં, તેની કુલ સંપત્તિ 65 થી 70 કરોડ રૂપિયાની આસપાસ છે.
પીયૂષ ચાવલા બે વર્લ્ડ કપ વિજેતા ટીમોનો ભાગ રહી ચૂક્યો છે. તે 2007ના T20 વર્લ્ડ કપ અને 2011ના ODI વર્લ્ડ કપની વિજેતા ટીમોમાં રમ્યો હતો. (All Photo Credit : PTI / X / Instagram)
