સૌથી ઝડપી… સાઈ સુદર્શને તોડ્યો IPL નો મહારેકોર્ડ, આ લિસ્ટમાં નંબર 1 બન્યો
આઈપીએલ 2026 માં સાઈ સુદર્શને ઇતિહાસ રચ્યો છે. તેણે માત્ર 20 ઇનિંગ્સમાં 1000 રન પૂરા કરીને IPLમાં સૌથી ઝડપી ઓપનર તરીકેનો રેકોર્ડ બનાવ્યો છે.
આઈપીએલ 2026ની આ મેચમાં, Shubman Gill ઈજાના કારણે ટીમથી બહાર હતા, ત્યારે સાઈ સુદર્શને બેટિંગનું નેતૃત્વ સંભાળ્યું. તેણે પોતાની જવાબદારી સારી રીતે નિભાવી અને ટીમને મજબૂત શરૂઆત અપાવી.
211 રનના મોટા લક્ષ્યનો પીછો કરતા સાઈ સુદર્શને માત્ર 44 બોલમાં 73 રનની ધમાકેદાર ઇનિંગ રમી. તેની ઇનિંગમાં 9 ચોગ્ગા અને 3 છગ્ગાનો સમાવેશ થયો હતો. તેણે 165.90ના પ્રભાવશાળી સ્ટ્રાઈક રેટ સાથે બેટિંગ કરીને ટીમને મજબૂત સ્થિતિમાં પહોંચાડી.
આ ઇનિંગ દરમિયાન તેણે એક મહત્વપૂર્ણ રેકોર્ડ પણ બનાવ્યો. સાઈ સુદર્શને આઈપીએલમાં ઓપનર તરીકે માત્ર 20 ઇનિંગ્સમાં 1000 રન પૂરા કર્યા, જે અત્યાર સુધીનો સૌથી ઝડપી રેકોર્ડ છે.
આ પહેલાં આ રેકોર્ડ Lendl Simmonsના નામે હતો, જેમણે 23 ઇનિંગ્સમાં આ સિદ્ધિ મેળવી હતી. સાઈ સુદર્શને ત્રણ ઇનિંગ્સ ઓછી રમીને આ રેકોર્ડ તોડી નાખ્યો.
સાઈ સુદર્શનની આ ઇનિંગ વધુ ખાસ એ માટે પણ રહી કે તેણે ટીમ માટે જવાબદારીપૂર્વક રમતાં યુવા ખેલાડી કુમાર કુશાગ્ર સાથે પ્રથમ વિકેટ માટે 78 રનની ઝડપી ભાગીદારી બનાવી. તેની આ પ્રદર્શનથી ગુજરાત ટાઇટન્સને મજબૂત શરૂઆત મળી અને મેચમાં સ્પર્ધાત્મક સ્થિતિ બનાવવામાં મદદ મળી.(PHOTO CREDIT- PTI)
