ICC રેન્કિંગમાં બાબર આઝમનું જોરદાર કમબેક, વિરાટ કોહલીને ઘણો પાછળ છોડી દીધો
ઈન્ટરનેશનલ ક્રિકેટ કાઉન્સિલે ટેસ્ટનું લેટેસ્ટ રેન્કિંગ જાહેર કર્યું છે. આ રેન્કિંગમાં પાકિસ્તાનના સ્ટાર બેટ્સમેન બાબર આઝમને ઘણો ફાયદો થયો છે. બીજી તરફ ઓસ્ટ્રેલિયામાં ફ્લોપ રહેલા વિરાટ કોહલીને ભારે નુકસાનનો સામનો કરવો પડ્યો છે.
બાબર આઝમનું રેટિંગ હવે 697 થઈ ગયું છે. દક્ષિણ આફ્રિકા સામે સિરીઝ પહેલા બાબર આઝમ ટોપ-20 બેટ્સમેનોની યાદીમાં પણ સામેલ નહોતો. પરંતુ તેણે આ શ્રેણીમાં જોરદાર વાપસી કરી હતી.
વિરાટ કોહલી માટે ઓસ્ટ્રેલિયાનો પ્રવાસ ઘણો ખરાબ રહ્યો. તે 5 ટેસ્ટ મેચની 9 ઈનિંગ્સમાં માત્ર એક જ સદી ફટકારી શક્યો હતો, આ સિવાય તે કોઈપણ ઈનિંગમાં 50 રનનો આંકડો સ્પર્શી શક્યો ન હતો. આ દરમિયાન તેણે માત્ર 190 રન બનાવ્યા હતા.
આ ખરાબ પ્રદર્શનને કારણે વિરાટ હવે ICC ટેસ્ટ રેન્કિંગમાં ત્રણ સ્થાન નીચે આવી ગયો છે. તે હવે 27માં સ્થાને પહોંચી ગયો છે, તેનું રેટિંગ ઘટીને 614 થઈ ગયું છે. આવી સ્થિતિમાં હવે વિરાટ કોહલી પર ટોપ-30માંથી બહાર થવાનો ખતરો છે.
ઈંગ્લેન્ડનો જો રૂટ પ્રથમ સ્થાને યથાવત છે. હેરી બ્રુક બીજા, કેન વિલિયમસન ત્રીજા, યશસ્વી જયસ્વાલ ચોથા અને ટ્રેવિસ હેડ પાંચમા સ્થાને છે. આ સિવાય દક્ષિણ આફ્રિકાનો ટેસ્ટ કેપ્ટન ટેમ્બા બાવુમા છઠ્ઠા સ્થાને પહોંચી ગયો છે. આ તેની સર્વકાલીન બેસ્ટ રેન્કિંગ છે. તેનું રેટિંગ પણ વધીને 769 થઈ ગયું છે, જે તેનું ઓલ ટાઈમ હાઈ રેટિંગ છે. (All Photo Credit : PTI)
Published On - 5:23 pm, Wed, 8 January 25
