KL Rahul Century: T20 વર્લ્ડ કપમાં ટીમ ઈન્ડિયામાં ન મળ્યું સ્થાન, હવે દમદાર સદી ફટકારી આપ્યો જવાબ
ભારત અને શ્રીલંકામાં ચાલી રહેલા T20 વર્લ્ડ કપમાં ભારતીય ટીમમાં પસંદગી ન થનાર સ્ટાર ભારતીય ખેલાડીએ સદી ફટકારી જોરદાર જવાબ આપ્યો છે. સ્ટાર બેટ્સમેને સંયમ અને સમજદારીથી બેટિંગ કરી સદી ફટકારી અને પોતાની ટીમને સેમિફાઇનલમાં પહોંચાડી હતી. ફર્સ્ટ-ક્લાસ ક્રિકેટમાં આ તેની 24 મી સદી છે.
રણજી ટ્રોફીના ક્વાર્ટર-ફાઇનલમાં કેએલ રાહુલે બીજી ઇનિંગમાં સદી ફટકારી. તેણે 130 રનની ઇનિંગ રમી. રાહુલની સદી સાથે કર્ણાટકે 325 રનના લક્ષ્યનો પીછો કરી મેચ 4 વિકેટથી જીતી. આ જીત સાથે કર્ણાટકે સેમિફાઇનલમાં જગ્યા બનાવી લીધી.
રાહુલની આ ઇનિંગ ખાસ છે કારણ કે તેણે મેચની ચોથી ઇનિંગમાં આ સદી ફટકારી હતી. રાહુલે 14 ચોગ્ગા અને એક છગ્ગા ફટકાર્યા અને આશ્ચર્યજનક વાત એ છે કે 130 રનની ઇનિંગમાં તેણે 103 બોલમાં એક પણ રન બનાવ્યો ન હતો.
325 રનના લક્ષ્યનો પીછો કરવા ઉતરેલી કર્ણાટક ટીમની શરૂઆત ખરાબ રહી. મયંક અગ્રવાલ 3, પડિકલ 39 અને કરુણ નાયર 13 રન બનાવીને આઉટ થયા. પણ કેએલ રાહુલે ટકી રહ્યો અને અશ્વિન સાથે મળીને ચોથી વિકેટ માટે સદીની ભાગીદારી નોંધાવી.
આ મેચમાં કેએલ રાહુલે પોતાનું સંયમ અને સમજદારી બતાવી. તેણે પોતાની ઇનિંગ્સમાં 103 ડોટ બોલનો સામનો કર્યો. તેણે મોહિત અવસ્થી, શાર્દુલ ઠાકુર, તુષાર દેશપાંડે, તનુષ કોટિયન અને શમ્સ મુલાની જેવા બોલરોનો દૃઢ નિશ્ચયથી સામનો કર્યો.
કેએલ રાહુલે રણજી ટ્રોફીમાં નવ સદી ફટકારી છે. રણજી ટ્રોફીમાં તેણે 61 થી વધુની સરેરાશથી 2834 રન બનાવ્યા છે. તેનો શ્રેષ્ઠ સ્કોર 337 છે. (PC : PTI/X)
