Breaking News : IPL 2026માં KKR vs RR વચ્ચેની મેચમાં Vaibhav Suryavanshi ફેલ! Rinku Singh ગર્જ્યો અને રાજસ્થાન હાર્યું, જુઓ
IPL 2026 માં KKR એ RR ને હરાવી પ્રથમ જીત મેળવી. રિંકુ સિંહની શાનદાર અડધી સદી અને વરુણ ચક્રવર્તીની ઘાતક બોલિંગે કોલકાતાને વિજય અપાવ્યો.
KKR vs RR Match Result: Kolkata Knight Riders સામે Rajasthan Royals વચ્ચે રમાયેલી મેચમાં કોલકાતાએ આખરે IPL 2026 સીઝનમાં પોતાની પહેલી જીત નોંધાવી. રિંકુ સિંહની શાનદાર અડધી સદી અને વરુણ ચક્રવર્તીની ઘાતક બોલિંગના જોરે કોલકાતાએ રાજસ્થાનને 4 વિકેટથી હરાવ્યું. સતત હાર બાદ આ જીત ટીમ માટે આત્મવિશ્વાસ વધારનારી સાબિત થઈ.
આ મેચમાં Rinku Singhએ મહત્વપૂર્ણ ઇનિંગ્સ રમી, જે કોલકાતાની જીતમાં ટર્નિંગ પોઇન્ટ બની. ટીમ આ સિઝનમાં સંઘર્ષ કરી રહી હતી, ત્યારે રિંકુએ દબાણની સ્થિતિમાં જવાબદારી સંભાળી અને મેચને જીત તરફ દોરી. તેમની આ અડધી સદી આ સિઝનની ખાસ પળોમાંથી એક બની રહી.
બીજી તરફ, Rajasthan Royals માટે શરૂઆત મજબૂત રહી હતી. Vaibhav Suryavanshi અને Yashasvi Jaiswalએ મળીને 81 રનની સારી ભાગીદારી કરી. વૈભવે 28 બોલમાં 46 રન બનાવ્યા, પરંતુ તેમની બેટિંગ અન્ય મેચોની સરખામણીએ થોડું સંયમિત લાગી. આ ભાગીદારી મજબૂત હોવા છતાં, ટીમ તેને મોટા સ્કોરમાં ફેરવી શકી નહોતી.
મેચમાં વળાંક ત્યારે આવ્યો જ્યારે Varun Chakravarthyએ વૈભવને આઉટ કરીને આ મહત્વપૂર્ણ ભાગીદારી તોડી. વરુણની સ્પિન બોલિંગ રાજસ્થાન માટે મુશ્કેલી બની. ચાર ઓવરમાં માત્ર 14 રન આપી તેમણે ટોચના ચાર બેટ્સમેનોમાંથી ત્રણને પેવેલિયન મોકલ્યા, જે મેચનું પરિણામ નક્કી કરવામાં નિર્ણાયક સાબિત થયું.
કોલકાતાની બોલિંગમાં Sunil Narine અને Kartik Tyagiએ પણ સારો ફાળો આપ્યો. બંને બોલર્સે કડક લાઇન અને લેન્થ સાથે બોલિંગ કરી, જેના કારણે રાજસ્થાન માત્ર 155 રન સુધી જ સીમિત રહી ગઈ. આ જીત સાથે કોલકાતાએ સિઝનમાં જીતનો ખાતો ખોલ્યો, જ્યારે રાજસ્થાનને સતત બીજી હારનો સામનો કરવો પડ્યો. હવે બંને ટીમો માટે આગળની મેચોમાં સતત સારું પ્રદર્શન કરવું મહત્વપૂર્ણ બની ગયું છે.
