IPL 2026માં DC vs RCB વચ્ચેની મેચમાં ત્રીજી ઓવરના પહેલા બોલે વિરાટ કોહલીની એક ભૂલ બનશે ટીમની હારનું કારણ!
IPL 2026 માં RCB અને DC વચ્ચેની મેચમાં વિરાટ કોહલીની એક ચૂકને કારણે આખી ટીમ ચિંતામાં મુકાઇ. એક નાની ભૂલ વિરાટ કોહલીને ભારે પડી હતી.
IPL 2026 માં RCB અને DC વચ્ચે રમાયેલી મેચમાં એક નાનકડો ક્ષણ આખી ઇનિંગ્સ માટે ટર્નિંગ પોઈન્ટ બની ગયો. ભુવનેશ્વર કુમારની ઓવરમાં શોર્ટ લેન્થનો બોલ હતો, જેને કે એલ રાહુલે જોરદાર રીતે ફટકાર્યો. બોલ કવર વિસ્તાર તરફ ગયો, જ્યાં વિરાટ કોહલી ફિલ્ડિંગ માટે તૈયાર હતો.
કોહલીએ યોગ્ય સમયે જમ્પ કરીને કેચ લેવા પ્રયત્ન કર્યો, પણ બોલ સંપૂર્ણ રીતે હાથમાં નહીં આવી શક્યો. ફક્ત આંગળીઓનો સ્પર્શ થતાં બોલ હાથમાંથી છૂટી ગયો અને કેચ ડ્રોપ થયો. એ સમયે રાહુલ ફક્ત 9 રન પર હતો, એટલે આ એક મોટી તક હતી જે RCB માટે ગોલ્ડન મોમેન્ટ બની શકતી.
આ કેચ છૂટતા જ મેચનો માહોલ બદલાયો. રાહુલે ત્યારબાદ પોતાની ઇનિંગ્સને સંભાળીને રમવાનું શરૂ કર્યું અને ધીમે ધીમે ટીમ માટે મહત્વપૂર્ણ રન એકત્રિત કર્યા. RCB માટે આ ભૂલ ભારે પડી કારણ કે શરૂઆતમાં જ વિકેટ મળતી તો મેચની સ્થિતિ અલગ હોત.
ફિલ્ડિંગમાં આવા નાના મોમેન્ટ્સ ઘણી વાર મેચનું પરિણામ નક્કી કરે છે. કોહલી જેવા અનુભવી ખેલાડી પાસેથી આ પ્રકારની ભૂલ ઓછા પ્રમાણમાં જોવા મળે છે, પરંતુ ક્રિકેટમાં ક્યારેક એક ક્ષણનો ગેરફાયદો મોટી અસર છોડી જાય છે. આ ઘટના ફરી એક વાર સાબિત કરે છે કે ક્રિકેટ માત્ર બેટિંગ કે બોલિંગનો ખેલ નથી, પણ ફિલ્ડિંગ પણ એટલી જ મહત્વપૂર્ણ છે. રાહુલનો કેચ છૂટવાથી DC ને ફાયદો થયો અને RCB માટે આ એક ચૂકી ગયેલી તક બની રહી.
મહત્વનું છે કે 9 રન પર રાહુલનો કેચ છૂટયા બાદ તે ટીમ માટે રમ્યો અને 37 બોલમાં 57 રન બનાવ્યા અને ટીમને એક મોટા સ્કોર પર પહોંચાડી. મહત્વનું છે કે કોહલીથી થયેલી ત્રીજી ઓવરની ભૂલ તેણે અંતે સુધારી કારણ કે, રાહુલનો કેચ ફરી તેણે જ પકડ્યો હતો.(All Image - BCCI)
