MI vs GT : સૂર્યકુમાર યાદવે સચિન તેંડુલકરને પાછળ છોડી દીધો, IPLમાં ઐતિહાસિક સિદ્ધિ હાંસલ કરી
મુંબઈ ઈન્ડિયન્સના સ્ટાર બેટ્સમેન સૂર્યકુમાર યાદવે IPLમાં ઈતિહાસ રચ્યો છે. સૂર્યાએ એક ખાસ યાદીમાં સચિન તેંડુલકર જેવા દિગ્ગજ ખેલાડીને પાછળ છોડી દીધો છે અને નંબર-1 બની ગયો છે. IPLની વર્તમાન સિઝનમાં તેનું બેટ ખૂબ સારું પ્રદર્શન કરી રહ્યું છે.
આ પહેલા, સૂર્યકુમારે 2018 અને 2023 સિઝનમાં પણ 500 થી વધુ રન બનાવ્યા હતા. સૂર્યકુમારે 2018ની સિઝનમાં 512 રન બનાવ્યા હતા. જેમાં તેણે ચાર અડધી સદી ફટકારી અને પોતાની 360 ડિગ્રી બેટિંગનું પ્રદર્શન કર્યું. આ પછી, 2023 માં તેણે 605 રન બનાવ્યા, જેમાં તેની પ્રથમ IPL સદીનો સમાવેશ થાય છે. આ સિઝનમાં તેનો સ્ટ્રાઈક રેટ 181.13 હતો, જે તેની વિસ્ફોટક બેટિંગનો પુરાવો છે.
સૂર્યકુમાર યાદવ પહેલા સચિન તેંડુલકર અને ક્વિન્ટન ડી કોકની બરાબરી પર હતા. આ બંને ખેલાડીઓએ મુંબઈ ઈન્ડિયન્સ માટે 2-2 વખત આ સિદ્ધિ મેળવી છે. પરંતુ સૂર્યા હવે બંનેથી આગળ નીકળી ગયો છે. સચિન તેંડુલકરે તેની કારકિર્દીમાં બે વાર (2010 અને 2011) 500+ રન બનાવ્યા હતા. સચિન તેંડુલકરે એક વાર ઓરેન્જ કેપ પણ જીતી હતી. બીજી તરફ, ક્વિન્ટન ડી કોકે 2019 અને 2020માં 500 થી વધુ રન બનાવ્યા હતા.
સૂર્યકુમાર યાદવે આ સિઝનમાં અત્યાર સુધીમાં 12 મેચ રમી છે અને બધી મેચોમાં 25+ રન બનાવ્યા છે. તમને જણાવી દઈએ કે, સૂર્યા IPLના ઈતિહાસમાં એકમાત્ર ખેલાડી છે જેણે સતત 12 મેચમાં આ સિદ્ધિ મેળવી છે. તેના સિવાય, અન્ય કોઈ બેટ્સમેન સતત 10 થી વધુ ઈનિંગ્સ માટે આ કરી શક્યો નથી. બીજી તરફ, સૂર્યાએ ફરી એકવાર ઓરેન્જ કેપ યાદીમાં લીડ મેળવી છે. (All Photo Credit : PTI)
