IPL 2025 વચ્ચે આવ્યા મોટા સમાચાર, પંજાબ કિંગ્સના કેપ્ટન શ્રેયસ અય્યરને BCCI આપશે આટલા કરોડ
શ્રેયસ અય્યરને IPL 2025માં પંજાબ કિંગ્સે 26.75 કરોડ રૂપિયામાં ખરીદ્યો હતો, હવે આ ટુર્નામેન્ટ વચ્ચે સમાચાર આવ્યા છે કે BCCI તેને 5 કરોડ રૂપિયા વધુ આપવા જઈ રહ્યું છે કારણ કે તેને ટૂંક સમયમાં સેન્ટ્રલ કોન્ટ્રાક્ટમાં સામેલ કરવામાં આવશે.
જોકે, રિપોર્ટમાં ખુલાસો થયો છે કે ઘરેલુ ક્રિકેટમાં સારું પ્રદર્શન કરનાર અને તાજેતરમાં IPL 2025માં SRH માટે સદી ફટકારનાર ઈશાન કિશનને સેન્ટ્રલ કોન્ટ્રાક્ટ મળશે નહીં. ટેકનિકલ કારણોસર આ ખેલાડી સેન્ટ્રલ કોન્ટ્રાક્ટ મેળવી શકશે નહીં.
BCCIના નિયમો મુજબ સેન્ટ્રલ કોન્ટ્રાક્ટ મેળવવા માટે ખેલાડીએ એક કેલેન્ડર વર્ષમાં ત્રણ ટેસ્ટ, આઠ વનડે અથવા દસ T20 મેચ રમવાની હોય છે.
શ્રેયસ ઉપરાંત, T20 વર્લ્ડ કપ અને ચેમ્પિયન્સ ટ્રોફીમાં ભારતના વિજયરથમાં મહત્વપૂર્ણ યોગદાન આપનાર ઓલરાઉન્ડર અક્ષર પટેલને પણ પ્રમોશન મળવાનું છે.
આ સિવાય છેલ્લા એક વર્ષમાં ભારત માટે અલગ અલગ ફોર્મેટમાં શાનદાર પ્રદર્શન કરનારા વરુણ ચક્રવર્તી, નીતિશ કુમાર રેડ્ડી અને અભિષેક શર્મા પાસે પણ તેમનો પહેલો સેન્ટ્રલ કોન્ટ્રાક્ટ મેળવવાની સારી તક છે.
વિરાટ કોહલી અને રોહિત શર્માએ T20 ફોર્મેટને અલવિદા કહી દીધું છે, પરંતુ તેમ છતાં બંનેને A+ ગ્રેડ સેન્ટ્રલ કોન્ટ્રાક્ટ મળવા જઈ રહ્યો છે. આ બંનેને વાર્ષિક 7 કરોડ રૂપિયા મળવાના છે. (All Photo Credit : PTI)
Published On - 6:46 pm, Tue, 1 April 25
