IPL 2024 : મુંબઈ ઈન્ડિયન્સે RCB સામે જે કર્યું તે અન્ય ટીમો આજ સુધી કરી શકી નથી
ઈન્ડિયન પ્રીમિયર લીગના ઈતિહાસની સૌથી સફળ ટીમ મુંબઈ ઈન્ડિયન્સ આ સિઝનમાં વિરોધ અને હારનો સતત સામનો કરી રહી છે. આ બધા વચ્ચે સતત ત્રણ હાર બાદ મુંબઈએ સતત બે મેચમાં જીત મેળવી વિજયના રથ પર સવારી શરૂ કરી છે. ગુરુવારે RCB સામે જીત મેળવતા જ મુંબઈ ઈન્ડિયન્સે એક એવું કારનામું કર્યું હતું જે આજસુધી IPLમાં કોઈ કરી શક્યું નથી.
IPL 2024માં સતત 3 હાર બાદ મુંબઈ ઈન્ડિયન્સ ફરી જીતના પાટા પર આવી ગઈ છે. તેમણે હવે સતત બે મેચ જીતી લીધી છે. જોકે, RCB સામેની જીત સાથે તેમણે ચોથી વખત મોટો ટાર્ગેટ ચેઝ કર્યો હતો.
મુંબઈ ઈન્ડિયન્સની ટીમે સૌથી ઝડપી 190 પ્લસના ટાર્ગેટને હાંસલ કર્યો છે. અત્યાર સુધી કોઈ ટીમે 3 કે તેથી વધુ ઓવર બાકી રહીને આટલો મોટો ટાર્ગેટ હાંસલ કરી શકી નથી.
RCB સામે 15.3 ઓવરમાં 197 રનના ટાર્ગેટનો પીછો કરીને મુંબઈ ઈન્ડિયન્સે ચોથી વખત 190 પ્લસના ટાર્ગેટને હાંસલ કર્યો છે.
વાનખેડે ખાતે RCB સામે 190 પ્લસનો ટાર્ગેટ મુંબઈ ઈન્ડિયન્સનો ત્રીજો સૌથી ઝડપી રન ચેઝ છે. તેમણે RCB સામે જ ગત સિઝનમાં 16.3 ઓવરમાં રનચેઝનો રેકોર્ડ બનાવ્યો હતો.
મુંબઈ ઈન્ડિયન્સે IPL 2014માં રાજસ્થાન રોયલ્સ સામે 14.4 ઓવરમાં 190 પ્લસના ટાર્ગેટને સૌથી ઝડપી ચેઝ કર્યો હતો. તે મેચ પણ વાનખેડે ખાતે જ રમાઈ હતી. જે બાદ તેમણે IPL 2017માં પંજાબ સામે 15.3 ઓવરમાં 190 પ્લસ રનનો પીછો કર્યો હતો. આ મેચ ઈન્દોરમાં રમાઈ હતી.
Published On - 6:07 pm, Fri, 12 April 24