ભારતનો જમાઈ પાકિસ્તાન જશે, આ ટીમનો કોચ બનાવવામાં આવ્યો
બાંગ્લાદેશ ક્રિકેટ બોર્ડે પાકિસ્તાન અને યુએઈ પ્રવાસ માટે ભારતના જમાઈને બોલિંગ કોચ તરીકે નિયુક્ત કર્યો છે. આ ભૂતપૂર્વ ફાસ્ટ બોલર હવે બાંગ્લાદેશ ટીમ સાથે પાકિસ્તાનનો પ્રવાસ કરશે. બાંગ્લાદેશની ટીમ T20 શ્રેણી રમવા માટે આ બે દેશોનો પ્રવાસ કરશે.
શોન ટેટ ઓસ્ટ્રેલિયાના દિગ્ગજ ફાસ્ટ બોલરોમાંના એક છે. ટેટે 2007ના ODI વર્લ્ડ કપમાં ઓસ્ટ્રેલિયા માટે શાનદાર પ્રદર્શન કર્યું હતું. ઓસ્ટ્રેલિયા આ વર્લ્ડ કપ જીત્યું હતું. ટેટે ઓસ્ટ્રેલિયા માટે 3 ટેસ્ટ મેચ રમી છે, જેમાં તેણે 5 વિકેટ લીધી છે. આ ઉપરાંત, તેણે 35 ODI મેચોમાં 62 વિકેટ લીધી છે. જ્યારે 21 T20 મેચોમાં આ ફાસ્ટ બોલરે 28 વિકેટ લીધી છે.
ઓસ્ટ્રેલિયાના ભૂતપૂર્વ ફાસ્ટ બોલર શોન ટેટની પત્ની ભારતીય છે. તે એક મોડેલ રહી છે. શોન ટેટ અને માશૂમ સિંઘાની પ્રેમ કહાની 2010માં IPL દરમિયાન શરૂ થઈ હતી. ટેટ અને માશૂમ સિંઘા IPL મેચ પછી એક પાર્ટીમાં મળ્યા હતા. ધીમે ધીમે તેમની વચ્ચે નિકટતા વધતી ગઈ અને ચાર વર્ષ પછી તેમના લગ્ન થયા. તમને જણાવી દઈએ કે માસૂમ સિંઘા વર્ષ 2005માં ફર્મસ કિંગફિશર કેલેન્ડરમાં મોડેલિંગ કર્યા પછી ચર્ચામાં આવી હતી. (All Photo Credit : PTI / X / INSTAGRAM)
